मंगलबार, साउन २० २०७७
काठमाडौं ०८:०२
वासिङटन डिसी 22:17

अमेरिकामा जुलाई महिनामा १० दिन एक हजार भन्दा ज्यादा मानिसको मृत्यु

एकै दिनमा सक्रमितको संख्या ६७ हजार

इनेप्लिज २०७७ साउन १७ गते ११:१३ मा प्रकाशित

अमेरिकामा जुलाई महिनामा १० दिन एक हजार मानिस भन्दा ज्यादाको मृत्यु भएको तथ्याङ्क जोन्स हप्किन्स बिश्वबिद्यालयले निकालेको छ । एकै दिनमा सक्रमितको संख्या ६७ हजार २३ जना पुगेको छ । गत शुक्रबार जुलाई ३१ का दिन मृत्यु हुनेको संख्या १ हजार २ सय ५९ पुगेको छ ।

गत बिहिबार जुलाई ३० का कोभिड-१९ बाट मृत्यु हुनेहरुको संख्या १ हजार २ सय ३३ पुगेको थियो भने संक्रमित हुनेको संख्या ६७ हजार ६ सय १९ रहेको थियो ।

अमेरिकामा हाल सम्म मृत्यु हुनेको संख्या १ लाख ५५ हजार पुगेको छ भने संक्रमितको संख्या ४६ लाख ६४ हजार पुगेको छ ।

एक प्रमुख कोरोनाभाइरस नमुना परियोजनाले नोभेम्बर सम्म कोविड-१९ बाट २ लाख ३० हजार भन्दा बढी अमेरिकी नागरिकको मृत्यु हुनेछ भनि अनुमान गरेको छ ।

फ्लोरिडा राज्यमा लगातार चौथो दिन पनि कोरोनाबाट मृत्यु हुनेको संख्या अत्यधिक भएको छ । फ्लोरिडामा गत शुक्रबार २ सय ५७ जनाको मृत्यु भएको फ्लोरिडा स्वास्थ्य बिभागले जनाएको छ ।

फ्लोरिडा राज्यको साथै अन्य राज्यहरु टेक्सस,एरिजोना र क्यालिफोर्नियामा मध्य जुन महिना देखि आकासिएको छ ।

श्रोत : सिएनएन

प्रतिक्रिया