विराट नर्सिङ्ग होमका चिकित्सक सङ्क्रमित – अर्को निर्णय नभएसम्म बन्द

विराटनगर, ८ साउन । विराटनगरस्थित विराट नर्सिङ्ग होममा कार्यरत एक जना चिकित्सकलाई कोरोना भाइरस सङ्क्रमण देखिएपछि बिहीबार देखि अस्पताल अनिश्चितकालका लागि बन्द गरिएको छ।

विराटनगर महानगरपालिकाका जनस्वास्थ्य महाशाखा प्रमुख रमेश कार्कीले अर्को निर्णाय नभएसम्मको लागि विराट नर्सिङ्ग होम शिल गरिएको जानकारी दिनुभयो ।

अस्पतालका सञ्चालक समेत रहेका चिकित्सकलाई विहीबार सङ्क्रमित पुष्टि भऐपछि अस्पताल शिल गरिएको हो।

सङ्क्रमित चिकित्सकको सम्पर्कमा रहेकाहरूको कन्ट्रयाक ट्रेसिङ सुरू गरिने महानगरले जनाएको छ । कन्ट्रयाक टेसिङ्गदेखि अस्पताल पूरै सेनिटाइज गर्नुपर्ने हुनाले अर्को निर्णय नभएसम्म शिल गरिएको कार्कीले बताउनु भयो।

अस्पतालमा भर्ना भएका सम्पूर्ण विरामी र सङ्क्रमितको सम्पर्कमा रहेकाहरुको पनि स्वाब संकलन गरी परीक्षण गरिने भएको छ।

कोरोना सङ्क्रमित पुष्टि भएपछि मंगलबार रातिदेखि सम्पर्कविहीन बनेका चिकित्सक बिहीबार दिउँसोे ११ बजे सम्पर्कमा आएको महानगरले जनाएको छ ।