सोमबार, साउन ३० २०७९
काठमाडौं १५:३६
वासिङटन डिसी 05:51

मेरिल्याण्डमा आफ्नो बुवालाई गोली हानी हत्या गर्ने छोरा पक्राउ

इनेप्लिज २०७७ साउन ८ गते ११:०७ मा प्रकाशित

मेरिल्याण्डमा आफ्नो बुवालाई गोली हानी हत्या गर्ने छोरा पक्राउ गरिएको छ । मोन्टगोमेरी काउन्टीको डमसकसका युवाले बुवालाई हत्या गरेको आरोपमा उनलाई गत बुधबार बिहान जुलाई २२ का दिन पक्राउ गरिएको मोन्टगोमेरी काउन्टी प्रहरीले जनाएका छन ।

२४ बर्षिय छोरा जेसी जिमेनेजले ४६ बर्षिय बुवा म्याकलिन जिमेनेजलाई बादबिबाद हुँदा गोली हानी हत्या गरेका थिए । डिसी प्रहरीले गत बुधबार सामाजिक संजालमा ट्वीट गर्दै म्याकलिन जिमेनेज २७ बर्ष सम्म निजामती सेवामा काम गर्ने कर्मचारी रहेको जनाएका छन् ।

मोन्टगोमेरी काउन्टी प्रहरीका अनुसार उक्त वादविवादमा छोरा जिमेनेजको बैनी र आमा पनि वादविवादको समयमा संगै रहेको बताएका छन् । उक्त विवाद उनीहरुकै छिडी(बेस्मेन्ट)मा भएको थियो भने ११ बजे बिहान अगाडी गोली चलेको प्रहरीले जनाएका छन ।

गोली हाने पछि उनि भागेका थिए भने प्रहरीले पछ्याई उनलाई समातेका थिए । उनलाई प्रथम श्रेणीको हत्याको अभियोग लगाईएको छ । आमा र बैनीका अनुसार बुवा र छोराको वादविवाद मात्र भएको तर पछि उनले बन्दुक ल्याएर गोली हानेको प्रहरीलाई बताइन ।

श्रोत : डब्लुटिओपी ,तस्बिर : डिसी प्रहरी बिभाग

प्रतिक्रिया