बुधबार, साउन २८ २०७७
काठमाडौं १८:०८
वासिङटन डिसी 08:23

फ्लोरिडामा एकै दिनमा सर्वाधिक १५ हजार मानिस कोरोनाबाट संक्रमित ,न्यूयोर्कमा लगभग मृत्युको संख्या शुन्य

इनेप्लिज २०७७ असार २९ गते १०:४८ मा प्रकाशित

अमेरिकाको फ्लोरिडा राज्यमा एकै दिनमा १५ हजार मानिस कोरोनाबाट संक्रमित भएका छन् । गत आइतबार जुलाई १२ का दिन अहिले सम्म कै सर्वाधिक संक्रमण भएको पुष्टी भएको छ ।

यता कोभिड-१९ बाट न्यूयोर्क राज्यमा ३२ हजार ३५० को ज्यान गएको र ४ लाख ७० हजार मानिस संक्रमित भएकोमा आइतबार प्रारम्भिक चरण सम्म मृत्युको संख्या शुन्य भएको पत्र पत्रिकाले उच्च प्राथमिकताको साथ समाचार प्रकाशित गरेका छन् ।

हाल सम्म अमेरिकाका अन्य राज्यहरु टेक्सस,जर्जिया र एरिजोनामा पनि अत्यधिक रुपमा संक्रमितको संख्या वृद्धि हुदै गएको छ । संक्रमितहरुको यो अवस्था संघीय सरकारले सिडिसीले दिएको निर्देशनलाई पालना नगरी मध्यशाला,व्यायामशाला ,कपाल काट्ने पसल र अन्य व्यवसायलाई खुला गरेको कारण यो स्थितिको सामना गर्नु परेको हो ।

साथै सामाजिक दूरी र मुखावरण(मास्क)लगाउन नसक्दा संक्रमणको संख्या आकासिएको हो ।

हाल सम्म अमेरिकामा १ लाख ३७ हजारको ज्यान गै सकेको छ भने ३३ लाख मानिस संक्रमित रहेका छन् । अहिले सम्म ९ लाख ५६ हाजर मानिस निको भएका छन् ।

श्रोत :सिएनएन/सिबिएस न्युज

प्रतिक्रिया