बिहीबार, मंसिर १९ २०७६
काठमाडौं २०:०३
वासिङटन डिसी 09:18

युएस च्याप्टर अफ दि ईन्सटिट्युट अफ चार्टर्ड एकाउन्टेन्ट अफ नेपालको बार्षिक सम्मेलन डिसी क्षेत्रमा हुने

विजय थापा २०७६ कार्तिक १६ गते २:२४ मा प्रकाशित

 

विजय थापा ,डिसी । युएस च्याप्टर अफ दि ईन्सटिट्युट अफ चार्टर्ड एकाउन्टेन्ट अफ नेपालको बार्षिक सम्मेलन तथा बार्षिक साधारण सभा डिसी क्षेत्रमा हुने भएको छ । डिसी क्षेत्रको भर्जिनियाको भियना शहरमा नोभेम्बर ९ शनिबारका दिन हुने जानकारी अमेरिका शाखाका संयोजक गणेश चन्द्र बानियाले दिनु भएको छ । सम्मेलनको आतिथ्यता अमेरिका शाखाले गर्ने छ ।

यस सम्मेलनको लागि ईन्सटिट्युट अफ चार्टर्ड एकाउन्टेन्ट अफ नेपालका अध्यक्ष कृष्ण प्रसाद आचार्य आउनु हुने भएको छ भने प्रमुख अतिथिको रुपमा अमेरिकाका लागि नेपाली राजदुत डा अर्जुन कुमार कार्की आउनु हुनेछ । संस्थाका सदस्यहरु अमेरिकाका बिभिन्न राज्यबाट सहभागिता जनाउने छ ।

एकदिवसीय उक्त सम्मेलनमा ३ चरणका कार्यक्रम तय गरिएको छ । उद्घाटन सत्र ,प्राविधिक सत्र र बन्द सत्र । समुद्घाटन समारोह ९:३० बजे सुरु हुने छ भने अतिथिहरुको आगमन र दर्ता ९:३० देखि १० बजे सम्म गरिने भएको छ । यसै गरि औपचारिक कार्यक्रममा अतिथिहरुका संदेश र शाखाले गरेको क्रियाकलाप आदी ईत्यादीको जानकारी गराइने छ ।

दिवा भोजन समाप्त पछि प्राविधिक सत्र सुरु हुने छ भने उक्त कार्यक्रममा बिश्व अर्थतन्त्रमा नेपालको स्थिति लगायत अन्य महत्वपूर्ण बिषयमा कार्यपत्र प्रस्तुति को साथै बिशेष छलफल हुने कार्यक्रम रहेको छ । प्राविधिक सत्र ३:३० सम्म मात्र रहने छ भने त्यसपछि साधारण सभा र छलफल गरिदै रात्री भोजन साथ एक दिवसीय सम्मेलन समापन हुनेछ ।

नेपाल चार्टर्ड एकाउन्टेन्ट्स संस्था अर्थात इन्स्टिट्युट अफ चार्टर्ड एकाउन्टेन्ट्स अफ नेपाल विशेष ऐन “नेपाल चार्टर्ड एकाउन्टेन्ट्स ऐन, २०५३ अन्तर्गत स्थापना भएको नियमनकारी निकाय हो । यसले लेखासम्बन्धी पेशा तथा शिक्षालाई नियमित गर्न नियमनकारी निकायको रूपमा कार्य गर्दछ ।

लेखा प्रणाली संस्थाको व्यापारिक कारोवारको सुचना राक्ने, अभिलेख राख्ने, अभिलेख प्रसोधन गर्ने तथा आर्थिक प्रतिवेदनको माध्यमबाट सम्बन्धित पक्षलाई जानकारी दिने पद्धति हो । आजको युग लेखाको युग हो आजकल लेखा हरेक कुरा र ठाँउ ठाँउमा काम लाग्ने बिषय हो ।

लेखापरिक्षण एक बिशेष परीक्षण हो। लेखापरिक्षण भन्नाले संस्थाको वित्तीय कारोवारको बाह्रय व्यक्तिबाट गराइने विशेष परीक्षणलाई जनाउने गर्दछ ।

प्रतिक्रिया