टेक्ससमा आठौ दशैं कप भकुण्डो प्रतियोगिता सेप्टेम्बर २८ देखि सुरु

नेपालका पूर्व राष्ट्रिय खेलाडी प्रशान्त गिरीलाई सम्मान गरिने

विजय थापा । डिसी । अमेरिकाको टेक्सस राज्यको ड्यालसमा हुने ८ औ दशैं कप भकुण्डो प्रतियोगितामा यस बर्ष नेपालका पूर्व राष्ट्रिय खेलाडी प्रशान्त गिरीलाई सम्मान गरिने भएको छ । गिरीको हाल बसाई टेक्सस ड्यालसमा रहेको छ ।

अमेरिकाको टेक्सस राज्यको ड्यालसमा बिगत ७ बर्ष देखि संचालनमा रहेको यस बर्ष ८ औ दशैं कप भकुण्डो प्रतियोगिता आगामी सेप्टेम्बर २८ -२९ दुई दिन सम्म संचालन हुनेछ । हरेक बर्ष खेलकुद क्षेत्रमा बिशेष योगदान गर्नु हुने एक खेलाडीलाई सम्मान गर्दै आई रहेकोले यस बर्ष पनि चर्चित पूर्व राष्ट्रिय खेलाडी गिरीको नाम छनौटमा परेको हो ।

८ औ दशैं कप भकुण्डो प्रतियोगिताको आयोजक ड्यालस गोर्खाज फुटबल टिम रहेको छ । नेपालीहरुको महान चाड बडा दशैंको उपलक्ष्यमा दशैँ अगाडी आयोजना गरिन्छ । ड्यालस गोर्खाज फुटबल टोलि का प्रबन्धक बिनोद बिष्टका अनुसार दुई दिने प्रतियोगिताका लागि २९ वटा खेल टोलीले भाग लिएका छन् । अमेरिकाका विभिन्न राज्यहरु बाट खेलको लागि टेक्सस पुगेका छन् ।

बिजयी हुने समूहलाई नगद तथा पुरस्कार समेत गरेर कुल $ पाँच हजार डलरको व्यवस्था गरिएको छ । उक्त दशैँ भकुण्डो प्रतियोगितामा ३५ बर्ष माथिका खेलाडीहरुको पनि सहभागिता रहेको छ ।

३५ बर्ष भन्दा माथि उमेरको टोलि बिजेताले एक हजार डलर र उप बिजेताले पाँच सय प्राप्त गर्ने छन् । अर्को समूहका खेलमा बिजेताले दुई हजार ५ सय डलर नगद तथा पदक प्राप्त गर्ने छन् भने उप बिजेताले एक हजार डलर नगद तथा पुरस्कार प्राप्त गर्ने छन् ।

ड्यालस गोर्खाज फुटबल (भकुण्डो )टोलिका बिष्टले हरेक बर्ष खेलकुद क्षेत्रमा बिशेष योगदान गर्नु हुने एक खेलाडीलाई सम्मान गर्ने कार्यक्रमलाई निरन्तरता दिने बताए l