शनिबार, असोज ३० २०७८
काठमाडौं ०२:०७
वासिङटन डिसी 16:22

अरुण थापा स्मृति दिवसमा भूषण खरेल र चर्चित आयुष केसी सम्मानित

इनेप्लिज २०७६ साउन ६ गते १०:५४ मा प्रकाशित

थोरै गीत गाएर पनि नेपाली संगीताकाशमा सदा जीवित रहन सफल अरुण थापाको २० औँ स्मृति दिवसको अवसरमा शुभारम्भ द म्युजिकल जर्नी, भक्तपुर सांगीतक समाज र विनाता कला प्रतिष्ठानले शनिबार भक्तपुरको सूर्यविनायकमा गरेको सांगीतक श्रद्धाञ्जली कार्यक्रममा उनका अधिकांश गीतहरु नयाँ पुस्ताका कलाकारले प्रस्तुत गरे ।

कार्यक्रमका प्रमुख अतिथि तथा गीतकार–संस्कृतिकर्मी चेतन कार्कीले अरुण थापाको स्वरको जादू नै उनको जीवनको अमरत्वको कारक रहेको बताए । आफूले अरुणलाई स्वर्गीय भन्न नचाहने र यसको कारण उनको स्वर र उनले गाएका गीतहरुको अमृत जीवन नै रहेको संस्कृतिकर्मी कार्कीले बताएका थिए ।

गीतकार नगेन्द्र थापाले अरुण थापाको स्वर आवाजहरुको भिडमा अलग पहिचान बोकेको र भिन्न स्वादसहितको रहेकाले नै सदा जीवन्त बन्न सकेको बताए । उनको स्वरमा रहेको जादू र मिठासले संख्यामा थोरै भए पनि स्मरण र स्मृतिहरुमा अथाह बन्न सकेको गीतकार थापाले बताए ।

अरुण थापाका प्रिय गीतकार र अरुणलाई आफ्नो हृदयमा राखेका गीतकार सुवासचन्द्र ढुंगेलले व्यक्तिको कर्मको चर्चा हुनु पर्नेमा जोड दिए । व्यक्तिगत जीवनमा जस्तो रहे पनि अरुण थापाले नेपाली संगीतमा लगाएको गुनको चर्चा जति नै गरे पनि अपूर्ण हुने र राज्यले उनको सम्मानमा अलि कति पनि पहल गर्न नसकेको तर्फ उनले संकेत गरेका थिए ।

अरुण थापाको व्यक्तिगत जीवनका विविध पक्षबारे चर्चा भएको कार्यक्रममा अधिकांशले उनको स्वरको मिठासले नेपाली संगीतलाई भरिलो बनाएको बताए ।

विभिन्न कलाकारले सांगीतक प्रस्तुति दिएको कार्यक्रममा वरिष्ठ गीतकार भूषण खरेललाई अरुण थापा स्मृति सम्मान २०७६ तथा गायक आयुष केसीलाई सुशील चालिसे संगीत पुरस्कार प्रदान गरिएको थियो । आयुष केसी भारतीय टेलिभिजन जी टीभीको रियालिटी शो ‘सारेगमप लिटल च्याम्प्स’ को फाइनलमा पुगी चर्चाको शिखरमा पुगेका र “नयाँँ नारायण गोपाल” उपनाम पाएका बाल कलाकार हुन ।

। अरुण थापाले गाएका धेरै गीतहरु अहिले पनि उस्तै चर्चामा छन्, जस्तो पहिले थिए । अरुण थापाले प्रेमका गीत गाएका छन्, त्यससँग जोडिएका पीडाका गीतले उनको स्वरमा प्राण पाएका छन् ।

प्रेम र त्यसबाट मिल्ने सुख या दुःखका साथी बनेका छन् अरुणा थापाका गीतहरु । ‘ऋतुहरुमा तिमी हरियाली बसन्त हौ’ बोलको गीतले उनका गीतको रोमाञ्चकतालाई दर्शाउछन् । यस्तै ‘चोट के हो, बेथा के हो’ बोलको उनको गीतले प्रेममा भोग्नु पर्ने पीडाको चित्र उतारेको छ । उनका अधिकांश गीतहरुको स्मरण शनिबार भक्तपुरमा गरियो ।

बिबिसी लण्डनको World Ranking मा एआर रहमानको “छैया छैया…” दशौं स्थानमा आएको बेला राजेन्द्र रिजालको रचनाको गीतलाई राम थापाले संगितबद्ध गरेका अरुण थापाको स्वर रहेको “ऋतुहरूमा तिमी हरियाली बसन्त हौ” बोलको गीतले सातौं स्थान प्राप्त गरेको थियो ।

यसबारेको सानो भिडियो:

प्रधानमन्त्री र राष्ट्रपतिको बधाई भारतकाले पाउँदा त्योभन्दा राम्रो परिणामका नेपाली ठण्डाराम?

बिबिसी लण्डनको World Ranking मा एआर रहमानको दशौं स्थानमा आएको "छैया छैया…" गीतका लागि सो परिणाम आएको १० मिनेटभित्र भारतको हरेक च्यानलमा बधाई दिनेको घुइंचो थियो र आधा घण्टा भित्रै प्रधानमन्त्री र राष्ट्रपतिको बधाई आउँदा त्योभन्दा राम्रो सातौं स्थानमा आएको राजेन्द्र रिजालको रचनाको गीतलाई राम थापाले संगितबद्ध गरेका अरुण थापाको स्वर रहेको "ऋतुहरूमा तिमी हरियाली बसन्त हौ" बोलको गीतका लागि देशका तर्फबाट कहीं कतैबाट एक थोपै प्रसंशा बर्षेन । यो त्यही देश हो जहाँँ गुण्डाहरु मारिंदा शहिद घोषणाको माग राखिन्छ र भ्रस्टहरु देश सन्चालनको जिम्मा बारंबार पाउँछन र अन्य २-४ जनाले थामिदिनु पर्ने गरी फूलको माला पहिर्याइन्छ । त्यसैले नेपाली सांगितिक दुनियाँकै महारथी दीपक जंगम नेपाली आइडलको सिजन २ को २८ औं एपिसोडमा अमित बराल र रबी ओडको बेजोड प्रस्तुतिमा प्रतिकृया दिने क्रममा गला अबरुद्ध गर्दै भन्छन, "हामीभित्र संबेदना मरिरहेको छ ।" सही ब्यक्तिको सही ठाउँमा चयन हुनुले कतिसम्म जादुमय परिणाम दिन सक्छ भन्ने कुराको ज्वलन्त उदाहरण त अँध्यारोमा बस्न वाध्य नेपाली कसरी उज्यालोमा बस्न मात्रै पाएको नभएर यस्कै कारण बर्षेनी करोडौं थप राजस्व संकलन गर्ने र करोडौंको सामान बिदेशबाट आयात गर्न नपर्ने जस्तो जादुमय परिणाम हाम्रो सामू ताजै छ ।हुन त केही समय राजा नभएर पनि देश चलेकै हो, जस्तो ब्यक्ति प्रधानमन्त्री वा रास्ट्रपति भए पनि देश नचल्ने होइन । प्रश्न हो कसरी चलिरहेको छ र कता जानुपर्नेमा कता गैरहेको छ भन्ने । यी सबै कुरा एकापसमा अन्तरसम्बन्धित छन ।पछिल्लो समय बुद्धिजीवि, बैज्ञानिकहरुसंगको मेरो कुराकानीका आधारमा हाम्रो समाज र देश पछाडि पर्नामा यी पनि प्रमुख कारण हुन: १ आ-आफ्नै मिलेमतो वा अधिकार र पहुँचको दुरुपयोगका कारण देशभित्र र बाहिर समेत सही ब्यक्तिलाई भन्दा बढी आफ्ना निहित स्वार्थका कारण अनाबस्यक र चाकडीमा निर्लिप्त ब्यक्तिहरुलाई सम्मान दिने परिपाटीले गलत ब्यक्तिलाई प्रोत्साहित गरी गलत प्रवृतिलाई बढावा दिने काम हुनु २ आफूलाई शक्तिशाली बनाउन र अरुलाई त्रासपूर्ण मानसिक दबाब दिन नेता, पार्टी र काला धन्धामा संलग्न ब्यक्तिहरुद्धारा बढ्दो गुण्डा पाल्ने संस्कार (हुन त कुन गुण्डा कोद्धारा संरक्षित छ भन्ने कुरा आजसम्म गोप्य रहन नसकेकोले यही संस्कारले आ-आफ्ना चम्चा र कार्यकर्ता बाहेकका बीच भने यसैले उनीहरुलाई कलंकित तुल्याइरहेको पनि छ) मौलाउनुयति लेखिरहँदा केही बर्ष अघि अस्ट्रेलियामा एउटा बिशेष ब्यक्तिको आगमनको बिषयलाई लिएर केही बिशेष ब्यक्तिहरुलाई जानकारी पत्र लेखिएकोमा प्राप्त परिणामलाई संझिरहेछु जस्लाई शायद कुनै दिन सार्वजनिक गरौँला । माल पाएर चाल नपाउने हाम्रो समाज कसरी सही दिशातिर जाला त?

Posted by Ram Kumar Shrestha on Saturday, November 17, 2018

प्रतिक्रिया