शुक्रबार, कार्तिक ५ २०७८
काठमाडौं ०१:५९
वासिङटन डिसी 16:14

न्यूयोर्कमा पहिलो पटक वज्रगुरु मन्त्र जप कार्यक्रम भब्यताका साथ सम्पन्न:

इनेप्लिज २०७६ असार ३० गते २:५० मा प्रकाशित

शेर्पा किदुग अमेरिकाको आयोजनामा  विश्व शान्ति, सम्पूर्ण प्राणी जगतको काल्यण र दिर्गकालिन विश्व पर्याबरणिय स्थिरताको  लागि पहिलो पटक अमेरिकाको न्युयोर्कमा चार दिने वज्रगुरु मन्त्र जप कार्यक्रम भब्यताका साथ सम्पन्न भएको छ।

शेर्पाकिदुगको आफ्नै भवनमा गत जुलाई ११ देखी १४ तरिख सम्मा आयोजना गरिएको उक्त कार्यक्रममा बौद्ध धर्मका महान गुरु परम पुज्यानिय नाम्खी ङिङपो रिन्पोछेको उपस्थिती रहनु भएको थियो।  

सन १९६६मा भुटानमा जन्मिनु भएका रिन्पोछेलाई भुटान सरकारको निगरानीमा १६औँ ग्याल्वा कर्मापाले नाम्खी ङिङ्पो रिन्पोछेको सतौं आवतारी रुपमा घोषणा गर्नुको भएको थियो। परम पुज्यानिय दालाई लामा, ग्याल्वा कर्मापा, डिल्गो खेन्चे रिन्पोछेलेलगयात अन्य महत्वपूर्ण रिन्पोछे र गुरुहरुबाट उहाँलाई बिभिन्न समयमा प्रशिक्षण दिनु भएको थियो । उहाँले भुटानको बुमथाङमा सन १९८४मा ल्होड्रक खर्चु गुम्बाको स्थापना गरी सन १९९६ देखी सेड्रा संचालन गर्दै आउनु भएको छ।

नाम्खी ङिङपो रिन्पोछेलाई सतौ तथा आठौ सताब्दीमा बौद्ध दर्शनका प्रबर्तक तथा दार्सनिक शान्तरक्षित(चिवाछो)ले गुरु रिन्पोछे पदमसम्भवको चेलाको रुपमा नियुक्ति गर्नु भएको थियो। सातौं सताब्दीका तिब्बतका राजा ठिचौ दिउचेनले नाम्खी ङिङ्पोरिन्पोछेलाई नेपाल र भारतमा बुद्ध दर्शनको बारेमा थप अध्ययन गर्न पठाउनु भएको थियो। गुरु रिन्पोछेको २५ चेलाहरु मध्ये उहाँले महासिद्ध प्राप्त गर्नु भएको थियो। 

गुरु रिन्पोछे (पद्मसंभव)को महत्वपूर्ण तिथि टेल्दा छेचु (पाचौं महिना) दशमीको अवसर पारेर शुभराम्भ गरिएको बज्र गुरु मन्त्र जप कार्यक्रममा दैनिक ५० जना टुल्कु, खेन्पो, आचार्य, लोपेन र लामा गुरुहरुको साथमा सयौं उपासक उपासिकाले मन्त्र जप गर्नु भएको थियो। उक्त जप गरेको मन्त्रलाई अन्तिम दिन गन्ति गरी रिम्पोचेबाट हजारौं भक्तजनहरुलाई बज्रगुरु तथा दिर्गायुको अभिषेक प्रदान गर्नु भएको थियो। हिमालयन समुदायका बौद्दमार्गीहरुको उल्लेखिनिय उपस्थिती रहेको कार्यक्रम स्थल धाजापत्ताले बिशेष सिगारिएका थिए भने रिम्पोचे आगमन हुदा शेर्पा किदुगले विशेष स्वागत गरेका थिए । किदुगले कार्यकमको लागि तीन महिना अगाडिनै सात जनाको मुल आयोजक समिती गठन गरेका थिए। उक्त समितिमा पासाङ दिकी शेर्पा, ङवाङथम्जेन शेर्पा, दावा जाङ्बु शेर्पा, ल्हाक्पा तेन्जी शेर्पा, छिरिङ् टाशी शेर्पा, याङ्डी शेर्पा र ग्याल्जेन शेर्पा रहेका थिए। 

प्रतिक्रिया