शनिबार, असोज ३० २०७८
काठमाडौं ०८:५८
वासिङटन डिसी 23:13

नेपाली समाज अमेरिकाको डिएमभिपी च्यापटर गठन

सुरेश चाम्लिङ, अमेरिका २०७६ असार २३ गते ११:३६ मा प्रकाशित

अमेरिका । नेपाली समाज अमेरिकाको डिएमभीपी च्याप्टरको तर्दथ समिति मिलन राईको नेतृत्वमा गठन भएको छ ।

जुलाई ५ का दिन सम्पन्न भएको उक्त तर्दथ कमिटी गठनका क्रममा एनआरएनए अमेरिकाका पूर्वउपसभापति, युनाइटेड किरात राई अर्गनाइजेशन अमेरिकाका पूर्व केन्द्रीय सभापति, जनजाति महासंघका सल्लाहकार, युनाइटेड किरात राई अर्गनाइजेशन सल्लाहकार तथा नेपाली समाज डिएमभीपी च्याप्टर तर्दथ समितिका संयोजक राईले डिएमभीपीमा रहने सम्पूर्ण नेपालीलाई समेटेर डिएमभीपी कमिटिलाई छिट्टै पूर्णता दिने बताएका छन् ।

उनले डिएमभीपीमा रहेका अन्य नेपाली संघ संस्थाहरुसँग सहकार्य गर्दै कामगर्ने तथा भैपरी आउने समस्यामा एकजुट भएर अगाडि बढ्ने बताए ।

कार्यक्रमका प्रमुख अतिथि तथा समाजवादी नेपाल पार्टीका बरिष्ठ नेता अशोक राईले नेपालमा सबै धर्म, जाति, वर्गलाई समेटेर संविधान संसोधन हुनुपर्ने र संशोधन गरिनुपर्ने बताएका थिए । उनले समाजवादी पार्टी एकताको पार्टी र सबैलाई समेटेर बनाएको नयाँ पार्टी भएको बताउँदै सबैका लागि समानरुपले काम गर्ने बताए । वरिष्ठ नेता राईले तर्दथ कमिटीका सबै पदाधिकारीहरुलाई खादा ओढाएर बधाई दिदै समाजवादी पार्टीको झण्डा हस्तान्तरण गरेका थिए ।

समाजवादी पार्टीकी केन्द्रीय सदस्य तथा कार्यक्रमकी विशेष अतिथि सुशीला श्रेष्ठले नेपाली महिलामाथि हुने विभेदको अन्त्य गर्न र पुरुष सरह समान अधिकार पाउनका लागि समाजवादी पार्टीले विशेष पहल गर्ने बताएकी थिइन् ।

त्यस्तै युनाइटेड किरात राई अर्गनाइजेशनका केन्द्रीय सदस्य तथा डिएमभीपीका प्रतिनिधि कुशुम राईले समाजवादी पार्टी नेपालका लागि अहिलेको आवस्यक पार्टी रहेको र आफूले सक्दो सहयोग गर्ने बताइन् ।

यसैगरी युनाइटेड किरात राई अर्गनाइजेशन डिएमभीपी च्याप्टरका महासचिव हर्क राईले सम्भव भए र सकेसम्मको सहयोग गर्ने बताएका थिए भने युनाइडेट किराँत राई अर्गनाइजेशन कोलोराडोका पूर्वसभापति चक्र राईले अमेरिकाबाट मात्र नभएर नेपालमै गएर समाजवादी पार्टीलाई पूर्ण सहयोग गर्ने बताए ।

मिलन राईको नेतृत्वमा गठन गरिएको नेपाली समाज अमेरिकाको डिएमभीपी (डिसी, मेरिल्याण्ड, भर्जिनिया, पेन्सलभेनिया) च्याप्टरको सदस्यमा हर्क राई, कुशुम राई, चक्र राई र प्रितम राई रहेका छन् भने कमिटीलाई छिट्टै पूर्णता दिने बताइएको छ ।

कार्यक्रममा तत्कालिन संघीय समाजवादी पार्टीका धनकुटा जिल्लाका पूर्वसभापति तथा किराँत याक्थुङ थुम्लुङ अमेरिकाका पूर्वमहासचिव तथा नेपाली समाज अमेरिकाका केन्द्रीय महासचिव लोक चेम्जोङले डिएमभीपी च्याप्टर गठन गर्नमा केन्द्रबाट विशेष पहल र सहयोग गर्ने आश्वासन दिदैं सोचेको भन्दा धेरै राम्रो काम गरेको भन्दै सबैलाई बधाई दिएका थिए । कार्यक्रम केशवराम राईले सञ्चालन गरेका थिए ।

प्रतिक्रिया