सोमबार, साउन ६ २०७६
काठमाडौं ०९:११
वासिङटन डिसी 23:26

कोलोराडोमा होली खेलिने

नातिबाब भट्ट २०७५ चैत ७ गते ४:०८ मा प्रकाशित

नातिबाब भट्ट,

कोलोराडो, अमेरीका

कोलोराडो निवासी नेपालीहरुले बसन्त ऋतुको आगमन संगै आपसी मेलमीलाप र सद्भाबको रुपमा मनाईने होली कार्यक्रम आयोजना गर्ने भएका छन् ।
नेपालीहरुको साझा संस्था नेपाली घरले सधैं झैं यस बर्षपनि आगामी मार्च २३ तारिक शनिवारका दिन दिउसो ११ बजे देखी २ बजे सम्म ब्राईटन स्थित सनातन मन्दिरमा होली कार्यक्रम आयोजना गरिएको अध्यक्ष लक्ष्मण रानाले बताएका हुन् ।

अध्यक्ष रानाले कोलोराडो स्थित सबै संस्थाका प्रतिनीधी, गन्यमान्य, बुद्धीजिवी, ब्यवसायी, पत्रकार, कर्मचारी तथा सर्वसाधारण बुबा आमा, दाजुभाई, दिदी बहिनी तथा नेपाल र नेपालीको संस्कृती प्रति आस्था र चासो राख्ने स्थानीय सबैलाई कार्यक्रममा उपस्थित भई एक आपसमा होली खेली नेपाली धर्म संस्कृतीको पहिचान गराउने कार्यक्रमलाई सहयोग गर्न अनुरोध गरेका छन् ।

असत्य माथी सत्यको र अधर्म माथी धर्मको विजय प्रतिकको रुपमा मनाईने होली नेपालमा फागुन शुक्ल अष्टमीको दिन बसन्तपुर स्थित गद्धिबैठक अगाडी रङ्गी चङ्गी पारेर सिंगारी गाडीएको चिरमा आजापुजा गरेपछि बिधीबत् रुपमा सुरु भएको मानिन्छ ।


नेपालको पाहाडी क्षेत्रमा फागु पुर्णिमाको दिन र मधेसमा त्यसको भोलीपल्ट होली खेल्ने चलन रहेको छ । होली नेपाल संगै भारत, पाकिस्थान, जापान, थाईल्याण्ड, अष्टेलिया, ईङल्याण्ड, अमेरिका लगाएतका देशहरुमा भब्यताका साथ मनाईन्छ । तर परदेशमा होलीकै दिन बिदा नपर्ने हुनाले होली अगाडी वा पछाडीको शनिवार आईतबार पारेर मनाउने चलन छ ।

दैत्यराज हिरण्यकश्यपुले बिष्णु भक्त आङ्खना पुत्र प्रलाद लाई मार्ने उद्धेश्यले ब्रमाबाट आगोले छुन नसक्ने बरदान पाएकी आङ्खनी बहिनी होलीकालाई प्रलादका साथ दन्किरहेको आगोमा बस्न लगाउंदा आगोले होलीका आफै भष्म भएको, तर भक्त प्रलाद लाई केही नभएकले त्यही समय देखि शक्तिको दुरुपयोग गर्ने पापिनी होलीका मारिएको खुसीयालीमा होली खेल्ने चलन चलेको हिन्दु सास्त्रमा उल्लेख गरिएको छ ।

त्यसैगरी द्धापर यूगमा श्रीकृष्ण भगवानलाई मार्न कंश द्धारा पठाईएकी राक्षसनी पुतनाले आङ्खनो स्तनमा बिष लगाएर कृष्णलाई दुध चुसाउंदा कृष्ण मर्नुको सट्टा पुतना आफै मरेकोले त्यस खुसीको उपलक्ष्यमा बज्रबासीले फागु मनाउन थालेको जनश्रुती रहेको छ ।

प्रतिक्रिया