डीसी महानगर क्षेत्रमा एक दशक भन्दा ज्यादा समय देखि बस्दै आएका प्रख्यात नृत्यांगना तथा नृत्य प्रशिक्षक द्वय नविन केसी तथा लुना केसी द्वारा संचालित केसी डान्स सेन्टर (केसी नृत्य केन्द्र ) डीसी क्षेत्रमा ३ वटा शाखा विस्तार भएको छ । द्वय परीक्षकलाई भ्याई नभ्याई भएको छ । उक्त केन्द्रले बिशेष गरि अमेरिकाको डीसी महानगर क्षेत्र जन्मिएका र यसै क्षेत्रमा बसोबास गर्दै आएका दोश्रो पुस्ताका सवै उमेरका बालबालिकालाई नृत्य प्रशिक्षण प्रदान गर्दै आई रहेको छ ।

यस क्षेत्रमा प्रथम चरणमा एक स्थानमा नृत्य सिकाउने केन्द्र खोलिएता पनि सबै क्षेत्रमा मांग बढेकोले हाल ३ वटा स्थानमा सबैलाई सरल होस् भन्ने हेतुले शाखा खोलिएको केसीले ईनेप्लिजलाई बताए । सन् २०१७ मा व्यवस्थित ढंगले नृत्य कक्षाहरु संचालन गर्दै आएको केसी डान्स सेन्टर हाल भर्जिनियाको एलेकजेनड्रीया तथा फेयरफ्याक्स ,तथा मेरिल्याण्डको गेथर्स बर्ग मा नृत्य कक्षा संचालनमा आएका छन् ।

बिशेष गरि नेपाली भाषा ,संस्कृति ,कला आदी र नेपाल झल्कने आदी प्रकारका गीत नृत्यहरु सिकाइने छन् । यसका अतिरिक्त अन्य गीत नृत्यहरु पनिको तालिम दिइन्छ ।

केसी डान्स सेन्टरले सन् २०१७ देखि “कलिवुड नाइट २०१७ ” र ‘कलिवुड नाइट २०१८ ‘बिशुद्ध सांस्कृतिक कार्यक्रम सफलता पूर्वक आयोजना गरि सकेको छ । सो कार्यक्रम केसी डान्स सेन्टर बाट प्रशिक्षण लिएका प्रशिक्षार्थीहरुले पनि बेजोड प्रस्तुति दिएका थिए ।

उक्त नृत्य केन्द्रका संचालक द्वय लुना श्रेष्ठ तथा नविन केसीले आफ्ना बालबालिकाहरुलाई नृत्य सिकाउन चाहना राख्ने ले सम्पर्क गर्न आग्रह गरेका छन् । आफूलाई जुन ठाउँ नजिक तथा सरल हुन्छ त्यहि आउन अनुरोध समेत गरेका छन् ।