शनिबार, साउन ३२ २०७६
काठमाडौं १७:१९
वासिङटन डिसी 07:34

अमेरिकामा पत्रकार अधिकारी द्वारा संचालित पसलबाट किनेको चिठ्ठाले मालीले जिते १० लाख डलर,फेरि जित्छु भन्दै किने अर्को चिट्ठा

पत्रकार अधिकारीले भोजपुरको गुम्बालाई नेरु ६० हजार दिने घोषणा

विजय थापा २०७५ माघ १९ गते ०:११ मा प्रकाशित

डीसी ।अमेरिकाको डीसी महानगर क्षेत्रको मनासस शहरमा नेपाली मूलका पत्रकार निदेश अधिकारी द्वारा संचालित किराना पसलबाट खरिद गरेको चिठ्ठाबाट एक मालीले १० लाख डलर जितेका छन् ।

मनासस निवासी माली पेशामा रहेका जर्ज टिन्नेल नामक व्यक्तिले भर्जिनियाको मनासस् शहर स्थित फेयरभ्यू ग्रोसरी नामक पसलबाट पावर बल चिट्ठा किनेका थिए । गत जनवरी ५ तारिख शनिबारका दिन एक मिलियनको चिट्ठा परेको थियो ।

लामो समय सम्म परेको चिट्ठा लिन नआएको भनिएता पनि उनले प्राप्त गरेको रकमको समाचार जनवरी ३१ तारिखको दिन पत्र पत्रिकामा भर्खर प्रकाशित भएको छ । उनले पहिले नै दाबि गरि कर कटाएर उनलाई ७ लाख २० हजार डलर हस्तान्तरण गरिएको छ । उनले गत जनवरी ७ तारिखका दिन उक्त रकम हात पारि सकेका छन् ।

अमेरिकाभरि खेलिएको पावरबल चिठ्ठा ३-७-१५-२७-६९ संख्या मध्ये ५ नम्बर मिलाएका थिए । तर पावर बल १९ मिलेको थिएन । उनले रकम प्राप्त गरे पछि यो समयमा आफूलाई चिट्ठा पर्छ भन्ने लागेको बताएका छन् । माली आज फेब्रुअरी १ तारिखका दिन अधिकारी द्वारा संचालित किराना पसल फेयरभ्यू ग्रोसरी मै आई पुन चिट्ठा किनेका छन् । र उनले फेरी चिट्ठा जित्ने छु भनि संचालक अधिकारीलाई बताए ।

यत्रो रकम जितेता पनि उनि सामान्य पोशाकमा सामान्य भएर आएको पसल संचालक अधिकारीले बताए । पत्रकार तथा संचालक अधिकारीले अगाडी भने आफ्नो माली पेशा नछोड्ने पनि उनले जानकारी गराएको बताए ।

पत्रकार तथा व्यवसायी अधिकारीले भर्जिनिया राज्य सरकारबाट छुट (कमिसन)बापतको १० हजार डलर पाएका छन् । आफूले पनि रकम पाए पछि संचालक अधिकारीले आफू जन्मिएको जिल्ला भोजपुर चरम्बीमा बन्दै गरेको गुम्बाको लागि नेरु ६० हजार दिने घोषणा यसै मार्फत गरेका छन् ।

चिट्ठा को नतिजा निस्के पछि ६ महिना भित्रमा कसैले दावी नगरे चिठ्टाको पैसा राज्य सरकारले नै बिद्यालहरुलाई खाजा खर्च या बिद्यार्थीहरुको अन्य बिबिध खर्चको लागि दिने कानुनी ब्यबस्था छ । स्मरण रहोस् उक्त फेयरभ्यू स्टोरले २ बर्ष पहिले पनि आधा मिलियन डलरको चिट्ठा जितेको थियो ।

प्रतिक्रिया