सोमबार, असार २ २०७६
काठमाडौं १६:४७
वासिङटन डिसी 07:02

अमेरिकाबाट “सच्चीको साथमा..” कार्यक्रम टिमबाट नेपालका अनाथहरुको लागि रु ५ लाख ३५ हजार सहयोग

दोश्रा पुस्ताका बालबालिकाहरुको समेत उत्साहजनक सहभागीता!!

विजय थापा २०७५ पुष २५ गते २:४५ मा प्रकाशित

वाशिंगटन डीसी । “सच्चीको साथमा..” नामक कार्यकमको टोलीले नेपालको विकट गाउँ बाजुराका अनाथहरुको सहयोगार्थ ५ लाख ३५ हजार ७ सय ९ रुपैया ३६ पैसा संकलन गरेको छ । उक्त रकम जनवरी ८ तारिखमा नेपाल पठाई सकिएको जानकारी  “सच्चीको साथमा “नामक कार्यक्रमकि प्रस्तोता सच्ची मैनालीले जानकारी गराइएकि छिन् । अमेरिकाबाट कुल ३ हजार ७ सय ६६ डलर ४७ सेन्ट पठाईएको छ भने नेपाली रुपैया ४ लाख १३ हजार ७ सय ६४ रुपैया हुन् गएको छ । उक्त रकम गो फन्डको खर्च कटाएर पठाइएको हो ।

नेपालका चर्चित कान्छा सामाजिक अभियन्ता केपी खनाल स्वयमले नेपालको विकट बाजुराका करिव ४० अनाथ बालबालिकाहरुका लागि शुरुआत गरेको अनाथ बालगृह निर्माणको निर्माणका लागि आवश्यक आर्थिक सहयोगका लागि पहल गरिदिन अनुरोध गरेपछि तत्कालै नि:शर्त उक्त अभियान इनेप्लिज डट् कम अनलाईन मिडियाको “सच्चिको साथमा” टिमले नि:स्वार्थ उक्त अभियानलाई हातेमालो गर्दै केही साता अघि मात्र गो-फण्ड मार्फत अमेरिकाबाट आर्थिक सहयोग अभियान थालिएको थियो।

नेपालको बिकट गाउँ बाजुरामा बन्दै गरेको अनाथहरुको बालगृह निर्माण कार्यमा आर्थिक अभावका कारण भवनको छत हाल्ने तथा अन्य विविध निर्माण कार्य रोकिएको हुँदा उक्त कार्य कुनै पनि हालतमा रोकिनु हुन्न र यसका लागी अपुग रकम मध्ये संसारभरका नेपाली परिवारजनहरुबाट अनुरोध गर्ने र यसै क्रममा अमेरिकावासी नेपाली समुदायबाट करिव ३ लाख नेपाली रुपैया जति संकलन गर्ने लक्ष्य राखेको अभियानका अभियन्ता के पि खनालले बताएका थिए।

उनैको विशेष अनुरोधपछि उक्त अभियानलाई इनेप्लिजको घरबास र प्रवासको समसामयिक बिषय समेटिँदै संचालनमा रहेको चर्चित कार्यक्रम “सच्चीको साथमा” का टिमले अमेरिकाका लागी सहयोग संकलन र उक्त अभियानमा सहकार्य गरेको हो।

३ हजार अमेरिकी डलरको लक्ष्य राखेर सुरु गरिएको “हेल्प फर होमलेस किड्स “(Help For the Homeless Kids”) अभियान शुरु गएको करिव २६ घण्टामा रकम संकलन भएको हो ।

८७ जना विभिन्न मनकारी दानबीरहरुबाट प्राप्त उक्त सहयोग रकमले अब अनाथ बालबालिकाहरुका लागि बन्ने बालआश्रम बन्न अब नरोकिने र समय मै निर्माण सम्पन्न हुनेमा सबै ढुक्क भएका छन् ।

दान सहयोगमा बिशेष दोश्रा पुस्ताका नेपाली अमेरिकी बालबालिकाहरुको उत्साहजनक रुपमा सहभागीता रहेको छ । ती स-साना बालबालिकाहरुमा आफ्नो मातृभूमी प्रतिको प्रेम, घरदेशको अवस्था र बिशुद्ध समाजसेवाको भावनालाई जागृत गराउँदै यस्ता अभियानहरुमा सहभागी गराउन सफल भएकोमा अमेरिकाको डिसी महानगर क्षेत्रबाट संचालित बिधुतिय पत्रिका (अङ्किय पत्रिका) ईनेप्लिज डट कमको “सच्चीको साथमा” नामक कार्यक्रम कि प्रस्तोता सच्ची मैनाली सहित उनको समूहले यो अभियान सोँचे भन्दा सफल भएको जनाएको छ ।

दाताहरुको सूची हेर्न यहाँ थिच्नु होस् ।

उक्त टोलीलाई थप उत्साह र जिम्मेवारी थपिएकोले भावी दिनहरुमा यस्ता अन्य मानवीय सहयोगका अभियानहरुलाई समेत निरन्तरता दिँदै लगिने सम्पुर्ण शुभचिन्तकहरुमा जानकारी गराउँदै कार्यक्रम संचालिका सच्ची मैनालीले भबिश्यमा समेत यसरी नै सवैले साथ, सहयोग र सहकार्य गर्ने कुरामा आफुहरु बिश्वस्त रहेको बताएकि छिन्।

साथै हाल सम्म बाजुराको अनाथ बालगृह निर्माणको लागि जम्मा गो-फण्ड तथा प्रत्यक्ष रुपमा गरेर रू ५ लाख ३५ हजार ७ सय ९ रुपैया ३६ पैसा आर्थिक सहयोग संकलन भएको छ भने भविश्यमा पनि अझै केही दाताहरुले सहयोग गर्ने इच्छा ब्यक्त गरेको मैनालीले जानकारी गराईन्।

गत डिसेम्बर २८ तारिखमा शुरु गरिएको गो-फण्ड मार्फत सच्चीको साथमा टिमले हातेमालो गरेर कान्छा अभियन्ता के. पि खनालको बालगृह निर्माणको आर्थिक सहयोग संकलन अभियान शुरु भए लगतै डिसेम्बर २९ तारिखको साँझ भित्र नै लक्षित सहयोग रकम संकलन भएको थियो ।

अमेरिकी बिदाका दिनहरुका कारण आज जनवरी ८ तारिख मात्रै खाताबाट रकम झिकी नेपाल पठाईएको र हाललाई उक्त गो-फण्ड खाता बन्द भएको जानकारी गराउँदै उक्त ठुलो रकम भन्दा पनि सवैको सहभागिता र थोरै रकम प्रदान गर्न सकियोस होस् भन्ने हेतुले गरिएको आवाज सबैले सुनी सहयोग गरेको बताइन ।

अभियानलाई विभिन्न संजालहरु मार्फत शेयर गरि प्रचारप्रसारमा सहयोग गर्नुहुने जान अन्जान करिव ३९७ सहयोगीजनहरु र करिव ८७ जना मनकारी सहयोगदाताहरु र सम्पुर्ण टिम प्रति हार्दिक आभार ब्यक्त गरेकी छिन्।

उनले अगाडी भनिन – “अनाथ बालबालिकाहरुलाई ओत लाग्ने ठाउँ बन्नै पर्छ र परदेशमा रहेर पनि देशमा केही सहयोग गर्ने यो राम्रो अवसर पनि हो भन्दै ईजरायलबाट समेत १ लाख नेपाली रूपैंयाको सहयोग प्राप्त भएको बताएकी छिन्।

आफ्ना दुई मुटुका टुक्राहरू ६ बर्षकि डिएला ओली र दुई बर्ष पनि नपुगेकि आविगेल ओलीको नाममा बुवा दिपक प्रसाद ओली र आमा इश्वरी बानिया ओलीले समेत हाम्रो यस सच्चीको साथमा कार्यक्रमबाट शुरु गरिएको सहयोग संकलन अभियानलाई साथ र सहयोग गरेको जानकारी गराउनु भएको छ । काठमाडौँमा २१ हजार ९ सय ४५ रुपैया हस्तान्तरण भै सकेको छ ।

सामाजीक अभियन्ता दिपक प्रसाद वलीले उक्त रकम यसै कार्यक्रमको दौरानमा समूहसंग सम्पर्क र समन्वय गरी हस्तान्तरण गर्ने जानकारी गराउनु भएको छ । माथि उल्लेखित रकम मध्ये अब मात्र १ लाख रूपैंया हस्तान्तरण गर्न बाकि छ । सम्भवत उक्त रकम यसै हप्ता हस्तान्तरण हुन सक्ने मैनालीले बताएकि छिन् ।

नेपाली रकम २० हजार भन्दा बढी सहयोग गर्नेको नाम शिलालेखमा लेखिने छ। यसरी बाजुराका करिव ४० जना अनाथ बालबालिकाहरुको शिक्षा र बसाईका लागि निर्माण भइ रहेको अनाथ बालआश्रम निर्माणमा आफ्नो अमुल्य साथ र सहयोग गर्नु हुने सम्पुर्ण दाताहरुको नामावली तल उल्लेखित विवरण सहित जानकारी गराउँदै सम्पुर्णमा बाजुराका ती अनाथ बालबालिकाहरुको तर्फबाट हार्दिक धन्यवाद ब्यक्त गर्दछौ ।

साथै सम्पुर्ण मनकारी सहयोगदाताहरुको उत्तरोतर उन्नति प्रगती र सफलताको कामना गर्दै सम्पुर्ण इनेप्लिज परिवार, “सच्चिको साथमा” टिम र कान्छा सामाजिक अभियन्ता के.पि. खनालको तर्फबाट समेत हार्दिक आभार प्रकट गर्दछौं।

सप्रेम धन्यवाद,

सच्ची मैनाली, ई नेपलिज तथा सच्चीका साथमा टिम

प्रतिक्रिया