शनिबार, असोज ९ २०७८
काठमाडौं १२:३३
वासिङटन डिसी 02:48

नर्थ क्यारोलाइनामा कराते गुरुले महिला अपहरणकारीलाई दिए धोबी धुलाई,अपहरणकारी अस्पताल शैयामा

इनेप्लिज २०७५ पुष २४ गते १:४० मा प्रकाशित

 

अमेरिकाको नर्थ क्यारोलाइनाको एक कराते बिद्यालय भित्र एक महिलालाई पछ्याउदै आएका अपहरणकारीलाई प्रशिक्षण केन्द्रका प्रमुख गुरुले धोवी धुलाई दिए पछि अपहरणकारीलाई अस्पताल भर्ना गर्नु परेको छ ।

नर्थ क्यारोलाइनाको नर्थ चार्लोट्स स्थित बुशिकेन कराते चार्लोट डोजोमा राती ९ बजे अगाडी एक महिलालाई जबर्जस्ती आफ्नो गाडीमा लाने प्रयास गर्दा उक्त महिला गुहार माग्दै उक्त कराते पाठशालामा भित्र पुग्दा उनको ज्यान बचेको छ । उनि अपहरण हुन् बाट बालबाल जोगिएकी छिन ।

गत जनवरी ३ तारिख नर्थ क्यारोलाइना राज्यमा घटना भएको हो प्रहरीले जनाएको छ । उक्त घटना अनुसार ९ बज्नु अगाडी भएको थियो । उक्त समयमा प्रमुख प्रशिक्षक र्यान्डल इफ़्राइम केही आफ्ना शिष्य साथ केन्द्र सफा सुग्घर गर्दै थिए । कोही शिष्यलाई आफ्ना बुवाआमाले धमाधम लादै गएको सिएनएनले जनाएको छ ।

सिएनएनका अनुसार जव पहिला महिला त्यसपछि उक्त मानिस भित्र छिरे पछि इफ्राइमले कराते सिक्न आएका मानिस भनेर ठानेको जनाएको छ । उक्त महिलाले आफूले नचिनेको बताएकी थिइन् ।

प्रमुख गुरुलाई धक्का मुक्का दिदै बल प्रयोग गरे पछि आफूले आफ्नो आत्मरक्षा गर्दै गुरुले आफूले सिकेको युद्धकला ( मार्सल आर्ट्स) प्रयोग गरेको बताएका थिए । उक्त अपहरणकारीले पुन;आक्रमण गर्ने प्रयास गरे पछि त्यही अनुसार प्रयोग गरेको बताएका थिए ।

करिव २०० पाउण्ड भन्दा ज्यादा वजनको मानिस त्यति सजिलो नभएको र निकै बलियो भएको स्थानीय पत्रिकालाई बताएका थिए । सम्भवत केही मादक पदार्थ या केही लागु पदार्थ सेवन गरेको हुनु पर्ने कराते गुरुले संचार माध्यमलाई जानकारी दिएका थिए । साथै प्रहरीले पनि लागू पदार्थ सेवन गरेको जानकारी दिएका छन् ।

४६ बर्षिय अगस्त विलिएम नामक उक्त अपहरणकारीलाई कराते गुरुको असली करातेको प्रस्तुतिको कारण अस्पताल भर्ना गरिएको छ । उक्त व्यक्ति बिगतमा पनि कैयौ पटक दुर्व्यसनी तथा यस्तो आक्रमण को लफडामा पक्राउ परेको स्थानीय संचार माध्यम डब्लुबिटीभिले जनाएको छ ।

उनलाई अपहरणको प्रयास ,आक्रमण तथा अन्य आरोप लगाइएको छ भने उनि निस्कने बित्तिकै उनलाई कारागारमा राखिने समाचार सीएनएनमा छ ।

प्रतिक्रिया