दमक, पुस २३ गते । झापाको शिवसताक्षी नगरपालिका–२ र ७ जोड्ने बनियानी खोलाको पुल सञ्चालनमा आएको छ । नगरप्रमुख चन्द्रकुमार शेर्माले नवनिर्मित सो पुलको आइतबार उद्घाटन गर्नुभयो ।

नगर प्रमुख शेर्माले वर्षांैदेखि उक्त खोलामा पुल नहुँदा आवतजावतमा समस्या भएकाले अब स्थानीय जनतालाई पुल सञ्चालनले ठूलो राहत मिलेको बताउनुभयो । खोलामा पल नहँुदा त्यस क्षेत्रका बासिन्दाले वर्षायामभरि आवगमनमा कठिनाइ भोग्दै आउनुपरेको थियो ।
३२ फुट लम्बाइ २४ फुट चौडाइ रहेको पुल रु ४५ को लाख लागतमा निर्माण गरिएको शिवसताक्षी नगरपालिकाले जनाएको छ ।

वडा कार्यालयलाई रु ३० लाखको जग्गादान

झापा, कमल गाउँपालिका–७ को कार्यालय भवन निर्माणका लागि स्थानीय दाताले पाँच कट्ठा जमीन निःशुल्क उपलब्ध गराउनुभएको छ ।

कमल गाउँपालिका–७ घर भएका आमा देवीमाया, छोराद्वय टङ्क र गोविन्द चम्लागार्इंले संयुक्तरुपमा करीब रु ३० लाख मूल्य पर्ने पाँच कट्ठा जमीन दान दिनुभएको वडा कार्यालयले जनाएको छ ।

दाताले आइतबार मालपोत कार्यालय दमकमार्फत वडा कार्यालयलाई जग्गा रजिष्टे«शन पास गरिदिनुभएको वडाध्यक्ष पृथीपति राईले बताउनुभयो । दाता परिवारले स्थानीय सरस्वती माध्यमिक विद्यालय नजिकै दान दिनुभएको जग्गामा यसै वर्षदेखि वडा कार्यालयको भवन निर्माण शुरु गरिने वडाध्यक्ष राईले जानकारी दिनुभयो ।

विद्यार्थीलाई स्कूल जुत्ता

लायन्स क्लब अफ लखनपुरले कमल गाउँपालिका–७ स्थित सिंहदेवी आधारभूत विद्यालयका विद्यार्थीलाई स्कूल जुत्ता सहयोग गरेका छन् । आइतबार विद्यालयमा एक कार्यक्रम गरी त्यहाँ अध्ययनरत ५१ विद्यार्थीलाई मोजासहित जुत्ता प्रदान गरिएको क्लबका प्रथम उपाध्यक्ष ज्ञाननाथ पौडेलले बताउनुभयो ।
लायन्सले आफ्नो सामाजिक कार्यक्रमअन्तर्गत उक्त सहयोग वितरण गरिएको क्लबका पूर्वअध्यक्ष धर्मानन्द भट्टराईले बताउनुभयो । तीन वर्षअघि स्थापित लायन्सले विभिन्न मानवीय सेवामा सहयोग पु¥याउँदै आएको उहाँले बताउनुभयो ।