जापानको राजधानी टोकियोमा एउटा माछा ३१ लाख अमेरिकी डलरमा बिक्री भएको छ । जापानको लोकप्रिय रेस्टुराँ चेन सुसी जन्माईले ६१२ पाउण्डको ब्लुफिन टुना माछा हालसम्मकै उच्च मूल्यमा किनेको हो ।

जापानमा टुना माछा प्रायः ४० डलर प्रति पाउण्डमा बिक्री हुन्छ । कहिले काँही टुना माछा दुईसय डलर पाउण्ड पनि पर्ने गर्छ । सुसी जन्माई रेस्टुराँ चेनले यो माछाका १२ हजार सुसी बनाएर बिक्री गर्ने योजना बनाएको छ । यसअघि सन् २०१३ मा योभन्दा केही सानो टुना माछा १७ लाख अमेरिकी बिक्री भएको थियो ।

टुना माछा मिठो हुने भएकोले यसको शिकारी निकै हुने गरेको छ । हाल यसको संख्या जपानी समुद्रका कुल माछामा २.७ प्रतिसत छ । सन् २०१७ टुना माछाको संख्या बढाउने योजना एसिया प्यासिफिक राष्ट्रले बनाएको छन् । योजना सफल भएमा सन् २०३४ सम्म टुनामाको हिस्सा समुद्रमा २० प्रतिसत हुनेछ ।

विश्वको ८० प्रतिसत ब्लुफिन टुनाको खपत जापानमा हुन्छ ।