बुधबार, असोज ६ २०७८
काठमाडौं १९:२४
वासिङटन डिसी 09:39

महिनौ सटडाउन गर्ने ट्रम्पको धम्कि

यादवराज जोशी २०७५ पुष २० गते १९:३९ मा प्रकाशित

अमेरिकी राष्ट्रपति डोनाल्ड ट्रम्पले मेक्सिको सीमामा पर्खाल लगाउने बजेट काँग्रेसले स्वीकृत नगरे आफु महिनौसम्म गर्भमेन्ट सटडाउन गर्नपछि नपर्ने धम्की दिएका छन् । ह्वाईट हाउसमा शुक्रबार डेमोक्र्याट सांसदहरुसंग कुरा गर्दै उनले उक्त कुरा बताएका हुन ।

सीमा पर्खालका लागि पाँच अर्ब डलर बजेट नपाए आफु महिनौं अझ वर्षौसम्म सटडाउनको पक्षमा रहेको ट्रम्पले बताएको सिनेटमा अल्पसंख्यकका नेता चक सुमरले बताए । शुक्रबार ट्रम्प र डेमोक्र्याटबीच दुई घन्टा वार्ता भएको थियो । आफुहरुले अल्पकालिन बजेट पास गरेर सटडाउन खुलाउन प्रयास गरेपनि राष्ट्पतिले स्वीकार नगरेको सुमरले बताए ।

बिहीबार राती हाउसले हाल बन्द्य रहेका आठ डिपार्टमेन्टको सेप्टेम्बर ३० सम्मको बजेट स्वीकृत गरेको थियो । त्यसमा डिपार्टमेन्ट अफ होमल्याण्ड सेक्युरिटीको फेव्रुअरी ८ सम्मको बजेट पनि समावेस छ । विगत १४ दिनदेखि केन्द्यि सरकारका आठ मन्त्रालय बन्द छन् । यसबाट करिव आठलाख कर्मचारी प्रभावित भएका छन् ।

यसैबीच ह्वाईट हाउसका पत्रकार सम्मेलन गरेर ट्रम्पले अमेरिकी स्टिल उद्योग संकटमा रहेकोले स्टिी पर्खाल बनाउने काम उनीहरुलाई दिदाँ औधोगिक क्षेत्र पनि उथ्थान हुने उनले बताए । अमेरिकाका नौवटा ठूला स्टिल उद्योग अहिले बन्द रहने स्थिती रहेको उनले बताए ।

पत्रकार सम्मेलनमा बोल्दै उपराष्ट्रपति माईक पेन्सले १७ हजार अपराधी दक्षिण सीमा पसेका समातिएको बताए । यस्तै दक्षिणी सीमाबाट ९० प्रतिसत लागु औषधी अमेरिका प्रवेस गर्ने बताए । यस्तै मानव तस्करी पनि खुला सीमाका कारण बढेको बताए ।

यो साताको अन्त्यमा सबल सीमा रक्षा र वृहत अध्यागमन सुधारको क्षेत्रमा पनि काम हुने ट्रम्पले बताए ।

यसैबीच, राष्ट्रपति ट्रम्पले सीमा विवाद र सटडाउन यथावत रहेका संकटकाल लगाउन सक्ने बताएका छन् । राष्ट्रपतीय अधिकार प्रयोग गरेर संकटकाल लगाउने अधिकार मलाई छ । यो राष्ट्रीय सुरक्षाको कुरा हो, पत्रकार सम्मेलनमा उनले भने । सीमा पर्खालको विषयमा छलफल भैरहेको छ । हामी राष्ट्रपतिको कानुनी अधिकार बारेमा पनि सल्लाह गरीरहेका छौ ।

स्रोतः सीएनएन, सिएनबिसी आदि, तस्वीरः रोज गार्डेन लाईभ, ह्वाईट हाउस

प्रतिक्रिया