प्रतिवन्ध लाग्दैछ

सटडाउनको समाधान निस्केन

अमेरिकी राष्ट्रपति डोनाल्ड ट्रम्पको आजको ट्विट स्याङ्गसन् आर कमिङ्ग (प्रतिवन्ध लाग्दैछ) आज हिट भयो । उनको ट्विटलाई राजनीतिक समिक्षकहरुले गेम अफ थ्रोनको लोकप्रिय डायलग विन्टर इज कमीड संग तुलना गरे । त्यसपछि यो श्रृखंला नै चल्यो, इन्डिकमेन्ट आर कमिङ्ग, मूलर इज कमिङ्ग र ट्यान्ट्रम इज कमिङ्ग ।

ट्रम्पले आजको मन्त्री मण्डलको वैठकमा स्याङ्गसन् आर कमिङ्ग (प्रतिवन्ध लाग्दैछ) भन्ने पोस्टर टेबलको बीचमा राखेर बैठक सुरु गरेका थिए । ट्रम्पको यो भनाई इरान माथि लगाइने प्रतिवन्ध माथि लक्षित थियो ।

सन् २०१५ मा तत्कालीन राष्ट्रपति बाराक ओबामाले इरानसंग आणविक अपैसार सन्धी गरेपछि लामो समयदेखि लाग्दै आएको प्रतिवन्ध खुलाएका थिए । इरानमाथि अन्यराष्ट्रिय बजारमा तेल बेच्न प्रतिवन्ध मूख्य थियो ।

विगत दुई सातादेखिको गर्भमेन्ट सटडाउन हटाउन बुधबार राष्ट्रपति ट्रम्पले आयोजना गरेको विपक्षी दलसंगको वार्ता बिना निष्कर्ष टुंगिएको छ । सटडाउन हटाउन र मेक्सिको सीमा पर्खाल लगाउन बजेट पारित गर्न ट्रम्पले सांसदहरुसंग बैठक गरेका थिए । राष्ट्रपति ट्रम्पले पर्खाल बनाउन ५.७ अर्ब डलर माग गरेका छन् ।

गत साता डेमोक्र्याट सांसदले पर्खाल बनाउन २.५ अर्ब डलरसम्म दिन सकिने प्रस्ताव अगाडि सारेका थिए । यसअघि डेमोक्र्याटहरु १.७ अर्ब बजेट मात्र दिने बताउदै आएका थिए । पर्खाल विवादका कारण बजेट पास नहुदाँ संघीय सरकारको एक चौथाई कार्यालय बन्द छन् । करिव चारलाख कर्मचारीलाई बिदा दिइएको छ भने त्यत्ति नै संख्याका कर्मचारी समयमा तलव पाउन सकेका छैनन ।

वैठकमा आफूले डेमोक्र्याटको प्रस्ताव माने आफु वेवकुफ ठहरिने भन्दै ट्रम्पले प्रस्ताव अस्वीकार गरेका थिए । मैले यो प्रस्ताव माने भने म वेवकुफ बन्नेछु, उनले भने । वैठकमा सहभागी सांसद न्यान्सी पोलेसीले राष्ट्रपति ट्रम्प र रिपव्लिकनलाई डेमोक्र्याटको प्रस्ताव मानेर सटडाउन खुलाउन आग्रह गरेकी थिईन ।

हाउस फ रिप्रेजेन्टेटिभमा बहुमतका नेता चक सुमरले दुवै पक्ष आफ्नो अडानमा बसे निकास कहिल्यै ननिस्कने बताउदै मध्यमार्गी बाटोमा सहमत हुन राष्ट्रपति ट्रम्पलाई आग्रह गरे । ट्रम्पले सांसदहरुलाई शुक्रबार फेरी वार्ताका लागि बोलाएका छन् । आशा गरौ शुक्रबार कुनै समाधान निस्कने छ ।