डी.सी. मेट्रो सप्ताह महापुराण आयोजक समितिको प्रेस विज्ञप्ति  जनवरी १, २०१९

यही December 29 तारीख़ 2018 शनिवारका दिन डीसी महानगर क्षेत्रको भर्जिनिया फेयरफ्याक्सको Chantilly Regional Library मा सामुदायिक भवन निर्माण गर्नको लागि महापुराण सप्ताहा लगाई fundraising गर्ने बारे बसेको बैठकमा पेश गरिएको कार्य पत्र माथि उपस्थित समाजसेवीहरु बीच छलफल तथा बिचार विमर्श आदान प्रदान भएको छ । सो भेलाले सामुदायिक भवन निर्माण गर्न महापुराणको आयोजना गर्ने र महापुराण लगाउँनको लागि यस क्षेत्रका सबै परिवारलाई समेटी हरेक परिवारको प्रतिनिधीलाई पुराणको आयोजक बनाई  मूल समारोह समिति  तथा उपसमितिहरूकाे निर्माण गर्ने निर्णय गरेको छ । सो भेलामा उपस्थित भएका सबै ६२  जना सामुदायिक अभियन्ताहरु मूल समारोह समितिका सदस्य रहने सहमति तथा निर्णय भएको छ भने सो क्षेत्रका वाकी सवै परिवार तथा व्यक्तिलाई आयोजक समितिको सदस्यमा समावेश गरी महापुराण कार्यक्रमलाई भव्यताका साथ संपन्न गरी सामुदायिक भवनको पूर्वाधार तैयार पार्ने कार्यमा एकजुट हुन आह्वान गर्ने निर्णय समेत सो भेलाले पारित गरेको छ। साे भेला भन्दा अगाडि र भेला पछाडि विभिन्न महानुभावहरूले मूल समितिमा संलग्न गराउन आग्रह गरे अनुसार संलग्न नामावलीमा उल्लेख हुनु भएका महापुराण मूल समितिकाे हाल सम्मकाे सदस्य संख्या १०५ रहेकाे सहर्ष जानकारी गराउदछाै । यस क्षेत्रका संपूर्ण परिवारहरुलाई समारोह समितिको मूल आयोजक समिति  र उप समितिहरु को सदस्य वनी माहापुराण सम्पन्न गर्ने पूनीत कार्यमा सहभागी भई सामुदायिक भवन निर्माण अभियानमा होस्टेमा हैसे गर्नको लागि पुराण आयोजक समितिको तल दिइएको इमेल मार्फत आफ्नो नाम नम्वर पठाई सहयोग गरिदिनु हुन हामी हार्दिक अनुरोध गर्दछौ ।

हाम्रो माहामन्त्र:

सबै उठौ सबै जुटौ,

यो अभियानमा कोही पनि नछुटौ

यो लिस्टलाई तपाईहरुको रेस्पन्सको आधारमा हामी अध्यावधिक  बनाउंदै लानेछौ र हरेक २ हप्तामा जानकारी गराउदै जानेछौ, हाम्रो आशा छ कि यस अभियानमा हामी कोही पनि छुट्ने छैनौ ।

डी.सी. मेट्रो सप्ताह महापुराण आयोजक समिति

Email: [email protected]

सम्पर्कफाेन : 571-438-5499

सप्ताह महापुराण आयोजक मूल समितिका हाल सम्मका सदस्यहरूकाे नामावली