मंगलबार, साउन २४ २०७९
काठमाडौं २१:५१
वासिङटन डिसी 12:06

नेपाली बजारमा भित्रियो अमेरिकी लाइटर ब्राण्ड जिप्पो

इनेप्लिज २०७५ पुष १४ गते १५:३६ मा प्रकाशित

काठमाडौं, १४ पुस । अमेरिकाको चर्चित ब्राण्ड जिप्पो नेपाली बजारमा प्रवेश गरेको छ । अमेरिकासहित विश्वभर लाइटरको लागि चर्चित जिप्पो ब्राण्डले नेपालका लागि आधिकारिक बितरकमा जिपाल कम्पनी प्रालिलाई चयन गरेको छ ।

जिपल कम्पनी प्रालिले नेपाली बजारमा आधिकारिक रुपमा अमेरिकाबाट जिप्पो ब्राण्डका उत्पादनहरु आयात तथा बिक्री बितरण गर्नेछ ।

सो घोषणा कार्यक्रममा नेपालका लागि जिप्पोका बजार प्रतिनिधि, नेपाली कम्पनी जिपाल कम्पनी प्रालिका अधिकारीहरुको उपस्थिति रहेको थियो । सो कार्यक्रममा जिपाल कम्पनी प्रालिका म्यानेजिङ्ग डाइरेक्टर मनिष मिश्रा तथा धन बहादुर तामाङ्गले नेपाली बजारमा पहिलो पटक आधिकारिकरुपमा जिप्पो ब्राण्डका लाइटरहरु उपलब्ध गराएको जानकारी दिए ।

नेपाली बजारमा कम्पनीले न्यूनतम मूल्य २ हजार ५ सय ६० रुपैयाँदेखि अधिकतम २४ हजार रुपैयाँसम्मका जिप्पो लाइटरहरु बिक्री गर्नेछ ।

सन् १९३२ मा अमेरिकी नागरिक जर्ज जी ब्लेसफिल्डले जिप्पो ब्राण्डको लाइटरको डिजाइन तथा उत्पादन शुरु गरेका थिए । हाल जिप्पोको नेतृत्व ब्लेसफिल्डका नाती जर्ज बि ड्यूकले गरिरहेका छन् ।

प्रतिक्रिया