व्हाइट हाउस अगाडी सुरुवाल खोलेर तस्बिर खिच्ने जर्मन नागरिक पक्राउ

अमेरिकाका राष्ट्रपति डोनाल्ड ट्रम्प बस्ने व्हाइट हाउस अगाडी सुरुवाल( प्यान्ट )खोलेर तस्बिर खिच्ने जर्मन नागरिकलाई पक्राउ गरिएको छ । व्हाइट हाउसमा कार्यरत गुप्तचर बिभागका अधिकारीहरुले उक्त जर्मन नागरिकले गरेको हर्कत गरे पछि उनलाई समातिएको थियो ।

उनले लगाई रहेको सुरुवाल ( प्यान्ट)खोल्दै व्हाइट हाउस अगाडी तस्बिर खिचेका थिए । ३४ बर्षिय उक्त नागरिक सेबेसटिएन हेडेलबर्ग रहेको वाशिंगटन पोस्टले जनाएको छ । उनलाई अश्लिल प्रदर्शन गरेकोमा आरोप लगाइएको छ । उनलाई उपस्थिति पत्र (सम्मन,साईटेसन) दिदै छोडिएको छ ।

उनले गत आइतबार बिहान १:३० मा उक्त हर्कत गरेका थिए । उनले पैदलयात्रीहरु हिड्ने ठाउँमा उक्त कार्य गरेका थिए । उनले यसो गरि रहदा अन्य ४ जना मानिसले उनको तस्बिर लिईरहेका थिए । साथै प्यान्ट्स घुडा सम्म अर्ध खोलेर तस्बिर खिच्नेलाई देखाउदै व्हाइट हाउस तर्फ फर्कि रहेको समाचार वाशिंगटन पोस्टले लेखेको छ ।