कम्पला , युगान्डा ।  यहि डिसेम्बर २९-३० मा अफ्रिकाको कम्पालामा सम्पन्न  हुने गैरआबासिय नेपाली संघको तेस्रो अफ्रिका बैठकको उद्घाटन युगान्डाको रास्ट्रपति कार्यालय हेर्ने मन्त्री  इस्थर बुलाकुबुजा बायोले गर्नु हुने भएको छ । रास्ट्रपति प्रमुख कार्यकारी हुने युगान्डामा रास्ट्रपति कार्यालय हेर्ने मन्त्री  प्रमुख भुमिकामा हुन्छन ।

बैठकको युगान्डाका सांसद , उधोग बाणिज्य संघका अध्यक्ष , उधोगपतीहरुको समेत उपस्थिति  रहनेछ ।”  बिकासका अनुभवहरु साटासाट ” मुल एजेन्डा रहेको बैठकले अफ्रिका र नेपालका आर्थिक समृद्धि र बिकासका अनुभवहरु बारे कार्यपत्रहरु प्रस्तुत हुनेछन ।

साथै अफ्रिकामा कार्यरत  नेपाली बिज्ञहरुले समेत यहाँका बिकास परियोजनाका अनुभवहरु नेपालमा कसरी लगानी र प्रबिधिका रुपमा लग्न सकिन्छ बारे कार्यपत्र प्रस्तुत गर्नेछन । त्यसबाहेक नेपालीले अफ्रिकामा नेपालीहरुलाई भोग्नु परेका समस्याका बारेमा समेत छल्फल हुनेछ ।

बैठकमा युगान्डा हेर्ने इजिप्ट स्थित नेपालका राजदूत झबेन्द्र अर्याल , एनआरएनए अध्यक्ष भबन भट्ट , पुर्ब अध्यक्ष जिबा लामिछाने , उपाध्यक्षहरु कुमार पन्त र कुल आचार्यको समेत उपस्थिति हुनेछ ।

नेपाल राजदुतावस इजिप्टको सह आयोजनामा सम्पन्न हुने बैठकको प्रमुख प्रायोजक आइडिया  फर नेपाल  र रुपालिया ग्रुप युगान्डा रहेका छन ।