बाना बोर्ड अफ ट्रस्टिको अध्यक्षमा कुलमणि आचार्य निर्वाचित

अमेरिकाको मेरिल्याण्ड राज्यको बाल्टिमोर शहरमा स्थापित रहेको बाल्टिमोर एसोसिएशन अफ नेप्लीज ईन अमेरिका (वाना)ले बोर्ड अफ ट्रस्टिको अध्यक्षमा संस्था कै निवर्तमान अध्यक्ष कुलमणि आचार्य निर्वाचित भएका छन् ।

डीसी महानगर क्षेत्रमा आफ्नै भवन खरिद गर्नुको साथै सामुदायिक गतिबिधिमा निकै क्रियाशील गैर मुनाफा सामाजिक संस्था बानाको वर्तमान अध्यक्षमा महिला नेतृत्व अनु श्रेष्ठ वन्तको रहेको छ ।

बाना बोर्ड अफ ट्रस्टिको निर्वाचन डिसेम्बर २० तारिखमा भएको थियो । वोर्ड अफ ट्रस्टीको भेलाले ७ सदस्यीय कार्यसमिति समेत गठन गरेको छ । निर्वाचित कार्यसमितिको अध्यक्षमा वानाका निवर्तमान अध्यक्ष कुणमणी आचार्य ,उपाध्यक्षमा राजन कट्टेल ,महासचिवमा दिवाकर ज्ञवाली निर्वाचित भएका छन् । यसै गरि सदस्यहरूमा अनु श्रेष्ठ वन्त ,प्रभु थापा ,देवब्रत शर्मा र गोपाल विक रहनु भएको छ ।