डीसी महानगरमा अत्यधिक वर्षा ,तोडियो १ सय बर्ष अगाडीको किर्तिमान

अमेरिकाको डीसी महानगर क्षेत्रमा अत्यधिक वर्षा हुनुको साथै १ सय २९ बर्ष अगाडी भएको अभिलेख तोडिएको छ । डीसी महानगरलाई आधिकारिक रुपमा सन् २०१८ मा सर्वाधिक पानी परेको भनि सामाजिक संजाल मार्फत जानकारी गराएको छ । यो अभिलेख आज शनिबार बिहान ६:२६ मिनेट जाँदा तोडिएको हो भने भोलि सम्म निरन्तर वर्षा हुने मौषम बिभागले जनाएको छ ।

अमेरिकाको नेसनल वेदर सर्विस अर्थात् राष्ट्रिय मौशम सेवाका अनुसार डीसी स्थित अन्तर्राष्ट्रिय रेगन विमानस्थलमा आज ठिक बिहान ६;२६ मिनेट शनिबार सम्म यस बर्ष ६१. ३४ इन्च वर्षा भएको जनाएको छ ।

सन् १८८९ अर्थात् १ सय २९ बर्ष अगाडी ६१.३३ इन्च पानी परेको अभिलेख (रेकर्ड) गरेको थियो । उक्त अभिलेख राख्दै गत डिसेम्बर १४ शुक्रबारका दिन देखि नै झरी परेको भोलि आइतबार सम्म पर्ने जनाएको छ । करिव २ इञ्च पानी थुप्रिने जनाएको छ ।

साथै यस भेकमा बसोबास गर्ने बासिन्दाहरुलाई पानीको कारण सावधानी अपनाउन समेत सचेत गराएको छ । सन् २००३ मा डीसी महानगर क्षेत्रमा ५० इन्च वर्षा भएको थियो त्यो बर्षमा करिव ६०.८३ इञ्च वर्षा भएको थियो ।

यस बर्षमा डीसीले दैनिक रुपमा किर्तिमान तोड्दै आएको छ । गत जुलाई २१ मा राष्ट्रिय मौशम सेवाले ४.६४ इन्च को वर्षा भएको अभिलेख राखेको थियो । जुन गत बर्ष सन् २०१७ को भन्दा दोब्बर रहेको जनाएको छ । जुन सन् १९११ मा २.५६ इन्च वर्षा भएको जनाएको छ ।