सोमबार, असार २ २०७६
काठमाडौं १७:३६
वासिङटन डिसी 07:51

ट्रम्प र कोहेन बीच दन्त बझान

यादव राज जोशी २०७५ मंसिर २८ गते १७:५४ मा प्रकाशित

यौनकर्मी र पूर्व प्लेबोय मोडललाई पैसा दिएर चुप लगाएका लगायतका मुद्दाको फैसलापछि राष्ट्रपति डोनाल्ड ट्रम्प र उनका पूर्व वकिल माईकल कोहेनबीच दंन्त बझान सुरु भएको छ । कोहेनलाई लागेको मुद्दामा २०१६ को राष्ट्रपतीय निर्वाचन कोष संकलनमा वित्त कानुन उलंघन पनि छ ।

अमेरिकी राष्ट्रपति डोनाल्ड ट्रम्पका पूर्व वकिल माईकल डि कोहेनलाई न्यूयोर्कको अदालतले बुधबार तीन वर्ष जेल सजाय सुनाएको थियो । न्यायधिस विलियम एच पाउलीले उक्त सजाय सुनाएका हुन ।पोर्न स्टार र पूर्व प्लेबोय मोडललाई वकिल कोहेन माथि पैसा दिएर चुप लगाएको र सन् २०१६ को राष्ट्रपतिय निर्वाचनमा रुसी हस्तछेपमा भुमिका रहेको अभियोगमा बेग्लाबेग्लै मुद्दा दायर गरिएको थियो ।

मुद्दा फैसला भएकै दिन ट्विट गर्दै राष्ट्रपति ट्रम्पले आफुले कहिल्यै कानुन विपरित काम गर्न नभनेको बताएका थिए । उनी वकिल हुन, उनलाई कानुन नीतिनियम बारे थाहा हुनुपर्छ, ट्रम्पले ट्विट गर्दै भनेका थिए । त्यसपछि ट्विटको शृंखला नै चलेको थियो । मैले कहिल्यै नीति नियम विपरित काम गर्न भनिन्, भन्दै ट्रम्पले अर्को ट्विट गरे ।

त्यसपछि ट्रम्पको प्रीय टेलिभिजन च्यानल फ्क्स न्यूजसंगको कुराकानीमा उनले यौनकर्मी र पूर्व प्लेबोय मोडलको विवाद साम्य पार्न आफुले भनेको तर कुनै गैरकानुनी काम गर्न आदेश नदिएको बताएका थिए । सन् २०१६ को राष्ट्रपतीय निर्वाचनको कोष संकलनमा पनि आफुले कुनै हस्तक्षेप नगरेको ट्रम्पले बताएका थिए । ट्रम्पले कानुन र नीतिनियम उलंघन गरेर कोहेन मात्र दोषी भएको देखाएका थिए ।

मुद्दाको फैसलापछि शुक्रबार एबिसी न्यूजसंग कुरा गर्दै ट्रम्पका पूर्व वकिल कोहेनले वित्तिय अनियमितता र यौनकर्मीलाई चुप राख्न पैसा दिने सबै विषय ट्रम्पलाई थाहा भएको बताएका छन् । उहाँ (ट्रम्प)लाई सबै थाहा थियो, कोहेनले भने, निर्वाचनमा असर पर्छ भनेर सबै निर्णय लिइएको हो ।

मुद्दाको फैसलाको जिम्मेवारी मैले लिए, संसारको अगाडि म उभिए, उनले भने । के राष्ट्रपति ट्रम्पलाई सबै कुरा थाहा थियो भन्ने एबिसी न्यूजको प्रस्नको उत्तरमा उनले भने, अवश्य थियो, सबै चुनाव अभियानमा सहयोग पुगोस भनेर गरिएको हो ।

राष्ट्रपति ट्रम्पलाई विश्वास गर्नु आफ्नो गल्ती भएको बताए, म त्यो व्यक्तिप्रति निष्ठावान भए जो निष्ठाको लागि उपयुक्त थिएन ।

स्रोतः एबिसी न्यूज, सिएनएन, वासिड.टन पोष्ट र एजेन्सीहरु
फोटोः सिएनएन

प्रतिक्रिया