बिहीबार, भदौ २ २०७९
काठमाडौं १७:१७
वासिङटन डिसी 07:32

ट्रम्पका पूर्व वकिल माईकल कोहेनलाई ३ बर्षको सजाय

इनेप्लिज २०७५ मंसिर २६ गते १७:५७ मा प्रकाशित

अमेरिकी राष्ट्रपतिका पूर्व वकिल माईकल कोहेनलाई अदालतले ३ बर्ष कैदको फ़ैसला सुनाएको छ । आज बुधवार उक्त फ़ैसला न्यूयोर्कको अदालतले सुनाएको हो ।

वकिल कोहेनले राष्ट्रपति डोनाल्ड ट्रम्प संग काम गर्दाको सबै ज़िम्मेवारी लिन्छु भनेका छन । राष्ट्रपतिका कुनै समय दाहिने हातका रुपमा काम गरेका एक निजि वकिल माइकल कोहेन अन्तत्वगत्वा कानुनको फन्दामा फसेका छन् । जसको कारण राष्ट्रपति डोनाल्ड ट्रम्पलाई एक प्रकारको सानोतिनो झड्का लागेको छ ।

न्यू योर्कमा राम्रो जमेका पूर्व निजि वकिल कोहेन लाई न्यू योर्कको युएस अधिवक्ता कार्यालयले महिनौ सम्म लगाएर अनुसन्धान तथा खोज गरे पछि महत्वपूर्ण अपराधिक सूचना प्राप्त गरि अदालतमा हाजिर गराएका थिए ।

कोहेनले कर धोका ,बैंक बारेमा गलत बयान तथा सन् २०१६ को निर्वाचन अभियानमा आर्थिक उल्लङ्घन गरेको आरोप सहित दोषी लगाइएको छ । यसको साथै वयस्क चलचित्रमा खेल्ने कलाकारलाई निर्वाचनको समयमा चुप लगाउन १ लाख ३० हजार डलर समेत दिएको आरोप लगाईएको कुरा सिएनएनले जनाएको छ ।

प्रतिक्रिया