मंगलबार, असोज १२ २०७८
काठमाडौं ०७:५६
वासिङटन डिसी 22:11

उपप्रमुख गुरुङ गोर्खाली ताराबाट सम्मानित

इनेप्लिज २०७५ मंसिर ६ गते ११:१९ मा प्रकाशित

कास्की, मङ्सिर ६ गते । पोखरा महानगरपालिकाका उपप्रमुख मञ्जुदेवी गुरुङ गोर्खाली तारा २०७५ बाट सम्मानित हुनुभएको छ ।

समाजमा शिक्षा, स्वास्थ्य र महिला तथा बालबालिकाको क्षेत्रमा उपप्रमुख गुरुङले पु¥याएको योगदानलाई कदर गर्दै गोर्खा एण्ड बराह ज्वेलरी इण्डष्ट्रिज प्रालिले आफ्नो आठौँ वार्षिकोत्सवको अवसरमा बुधबार साँझ आयोजित कार्यक्रममा उहाँलाई ‘गोर्खा तारा २०७५’ बाट सम्मान गरेको हो ।

गण्डकी प्रदेशका उपसभामुख सिर्जना शर्मा, प्रदेशसभा सदस्य मीना गुरुङ तथा प्रालिका अध्यक्ष हरिकुमार धमलाले उपप्रमुख गुरुङलाई सम्मानपत्र, दोसलाको साथमा गोर्खा ताराको अवार्ड प्रदान गरी सम्मान गर्नुभएको थियो । त्यस्तै गोर्खा बराह पत्रकारिता प्रोत्साहन पुरस्कार ९गोल्ड मेडल० बाट पत्रकार दीननाथ बराल सम्मानित हुनुभएको छ । उहाँ पत्रकार महासङ्घ कास्कीका सहसचिव हुनुहुन्छ ।

उपसभामुख शर्माले देशमा स्थिर सरकार बनेसँगै लगानीमैत्री वातावरण सिर्जना भएकाले निर्धक्कका साथ उद्योग व्यवसायको क्षेत्रमा लगानी गर्न व्यवसायीलाई आह्वान गर्नुभयो । उपप्रमुख गुरुङले महिला तथा बालबालिकाको हकहित र महिला सशक्तीकरणका लागि उपप्रमुखसँग महिला कार्यक्रम महानगरले ल्याएको भनाइ राख्नुभएको थियो ।

धरानबाट आफ्नो व्यवसाय शुरु गरेको गोर्खा बराहको पोखरा, काठमाडौँ, चितवन तथा देश बाहिर पनि शाखा सञ्चालनमा छन् ।

प्रतिक्रिया