डिसीमा यम बराल सांगीतिक साँझ हुने

डिसी महानगर क्षेत्रमा चर्चित गायक यम बराल सांगीतिक साँझ हुने भएको छ । उनको प्रस्तुति संगै स्थानीय कलाकार तथा स्थानीय संगीत मण्डली (ब्याण्ड) को पनि प्रस्तुति रहने छ ।

उक्त सांगीतिक साँझ ईनास अमेरिकाको अगुवाईमा हुने छ । कार्यक्रम आगामी नोभेम्बर २४ तारिख शनिबार तन्दुरी नाइट्स चमेना गृहमा हुने छ । कार्यक्रम साँझ ६:३० देखि सुरु हुने छ भने प्रवेश शुल्क २५ डलर राखिएको छ । उक्त रकम सांगीतिक साँझ तथा रात्रि भोजनको लागि राखिएको आयोजक अन्तर्राष्ट्रिय नेपाली कलाकार समाज (ईनास) अमेरिका अध्यक्ष आनन्दु लामाले जानकारी दिएका छन् ।

हाम्रो देश नेपाल अनि हामि नेपाली श्रष्टालाई सम्मान गर्न सिकौ भन्ने नारा साथ ईनास अमेरिकाले राख्दै यस क्षेत्रमा बसोबास गर्ने सबैलाई अध्यक्ष लामाले आग्रह गरेका छन् ।

लामो समय पछि लोकप्रिय कलाकार यम बरालको डिसी क्षेत्रमा प्रस्तुति हुने भएको छ ।