आइतबार, पुष १ २०७५
काठमाडौं ०९:४१
वासिङटन डिसी 22:56

नेपाल हाउसमा अमेरिकाका नेपाली चमेनागृहहरुका संचालकहरुको भेला ,शिघ्र संगठन निर्माणको घोषणा हुने

विजय थापा २०७५ कार्तिक ३० गते २:२७ मा प्रकाशित

अमेरिकाका भर यत्र तत्र छरिएर रहेका नेपालीहरुद्वारा संचालनमा रहेका नेपाली चमेनागृहहरुलाई एकताको डोरीमा बाध्ने मुख्य ध्येयले चमेना गृहका संचालकहरुको भेला बाल्टिमोरमा सम्पन्न भएको छ । अमेरिकाका विभिन्न राज्य तथा शहरमा स्थापना भएका चमेना गृह तथा भोजनालयलाई संगठित बनाउने उद्धेश्यले पहिलो प्रयास स्वरुप एकताको माला बुन्ने प्रयासको प्रारम्भ गरिएको छ ।

गत बुधबार नोभेम्बर १४ का दिन अमेरिकाको मेरिल्याण्ड राज्यको बाल्टिमोर शहर स्थित नेपाल हाउसमा डीसी महानगर क्षेत्रमा संचालनमा रहेका चमेना तथा भोजनालयका संचालक तथा प्रतिनिधिहरुको करिव ३ दर्जन भन्दा ज्यादाको सहभागी रहेको थियो ।

महा बाणिज्य दुत तथा नेपाल हाउसका संचालक प्रेम राजा महतको बिशेष अगुवाईमा कसरी संगठित हुने ,एकतामा बाधिने ,परस्परमा सहकार्य गर्ने ,कसरी एक आपसमा सहयोग गर्ने ,कसरी विद्यमान व्यवसायलाई माथि उकास्ने र कसरी व्यापक रुपमा नेपालीहरुका चमेनागृह तथा भोजनालय व्यवसायलाई वृद्धि गर्ने तथा अन्य बिषयमा छलफल गरिएको छ ।

उक्त भेलामा ठुला स्तरमा रहेका चमेना गृहले अप्ठ्यारो ,मुनाफा कमाउन नसकेका ,व्यापार कठिन अवस्थामा रहेका चमेनागृहलाई सहयोग गर्ने र एक आपसमा समन्वय गर्ने कुरामा पनि छलफल भएको छ ।

अमेरिकामा चमेना गृह व्यवसाय गर्दै आएका भारतीय तथा अन्य मुलुकका व्यवसाय व्यवसायीहरु यो पेशा त्यागेर अन्य ठूला व्यवसायमा हात हाली सकेका साथै ५ तारे सम्मका होटल र मोटल ( अतिथि गृह) मा लागि सकेको अवस्थामा नेपाली व्यवसायीहरु पनि माथि उठ्नु पर्ने नेपाल हाउसका प्रेम राजा महतले बताउनु भयो ।

तर अधिकांश नेपाली संचालक तथा साहुहरु यसै व्यवसायलाई निरन्तरता दिई रहेको पाइएको छ । नेपालबाट आए पछि प्रारम्भमा चमेना गृहमा काम गर्ने नेपालीहरुले सोही चमेना गृह किनेको पाइन्छ । यही व्यवसाय रोजी संचालनमा रहेको पाइएकोले अब एकत्रित तथा संगठित भएर ठूला होटल ( पाहुना घर ) आदी ईत्यादीमा समेत जानु पर्ने समेत छलफल उक्त भेलाले गरेको छ । गत नोभेम्बर १४ का दिन देखि नै एकै ठाउँ मार्फत अनलाइन(बिधुतिय प्रक्रिया) खाना अर्डर (आदेश)दिने प्रणालीको शुभारम्भ गरेको छ । उपस्थित रहेका सहभागीहरुले थुप्रै सल्लाह सुझाव पेश गर्नु को साथै जिज्ञाशा राखेका थिए ।

निकट भबिष्य मै अमेरिका भरका सबै चमेना गृह तथा भोजनालयलाई एकै मालामा बुन्ने र संगठित गर्ने लक्ष्य रहेको बुझिएको छ । चाडै संगठनको रुपरेखा तयार हुने र आर्थिक रुपले सशक्त बन्ने संगठनको रुपमा हेरिएको छ ।

अमेरिकाभरका नेपाली चमेना गृह ( रेष्टुरेन्ट )संगठित हुदै, नेपाल हाउस बाल्टीमोरमा सहभागिता र घोषणाको प्रत्यक्ष प्रसारण : विश्व राज थापा

Posted by Enepalese on Wednesday, November 14, 2018

यो बिशाल उद्धेश्य बोकेर हिडेको यसलाई सबै चमेना गृहका संचालकलाई यसै मार्फत जोडिन र आबद्ध हुन महा बाणिज्य दुतको हैशियत तथा नेपाल हाउसका संचालकको तर्फ बाट प्रेम राजा महतले सबैलाई आब्हान गर्नु भएको छ ।

साथै ईनेप्लिज डटकम संचार माध्यम पनि यसको आधिकारिक संचार सारथी भएकोले निकट भबिष्यमै बन्ने संगठनको लागि अग्रिम शुभकामना सहित र यस भेलाले गरेको हरेक कदम सार्थक होस् भन्न चाहन्छ ।

प्रतिक्रिया