सोमबार, असोज ११ २०७८
काठमाडौं ०४:३२
वासिङटन डिसी 18:47

रहीम म्यानचेस्टर सिटीसँग अझै तीन वर्ष खेल्ने

इनेप्लिज २०७५ कार्तिक २४ गते १५:३२ मा प्रकाशित

लण्डन, २४ कात्तिक । रहीम स्ट्रर्लिङ्गले म्यानचेस्टर सिटीसँग थप तीन वर्षको सम्झौता गरेका छन् । उनी अब सन् २०२३ सम्म क्लबमै रहने भएका छन् । स्ट्रर्लिङ्गले हप्ताको तीन लाख पाउण्ड स्ट्रर्लिङ्ग पारिश्रमिक लिने गरी नयाँ सम्झौता गरेका हुन् ।

२३ वर्षका इंग्लिस फरवार्ड स्ट्रर्लिङ्गको अहिलेको सम्झौता यो सिजनको अन्त्यमा सकिने थियो । नयाँ सम्झौतापछि स्ट्रर्लिङ्ग प्रिमियर लिगमा सबै भन्दा राम्रो पारिश्रमिक पाउने बेलायती खेलाडी मध्ये एक परेका छन् ।

नयाँ सम्झौताले आफूलाई उत्साहित बनाएको उनले बताएका छन् । आफ्ना लागि म्यानचेस्टर सिटी सही छनौट साबित भएको पनि उनले बताए ।

उनी सन् २०१५ मा लिभरपुलबाट ४९ मिलियन पाउण्डमा म्यानचेस्टर सिटी आएका हुन् । उनले गएको सिजन २३ गोल गरेका थिए । एजेन्सी

प्रतिक्रिया