बाल्टिमोरमा बृहत नि:शुल्क स्वास्थ शिविर दर्जनौ संघ/सँस्थाको सहकार्यमा हुने

बाल्टिमोरमा दर्जनौ संघ/सँस्थाको सहकार्यमा बृहत नि:शुल्क स्वास्थ शिविर हुने भएको छ । आगामी अक्टोबर २८ आइतबारका दिन हुने उक्त समुदायलाई समर्पित उक्त शिविर दि मेरिल्याण्ड स्कुल अफ ब्लाइन्डकाे प्रांगणमा हुने छ ।

लायन्स क्लव अफ बाल्टिमाेर नेप्लिजको विशेष पहलमा दर्जनौ संघ/सँस्थाहरुको सहकार्यमा बाल्टिमाेरमा एकदिने निशुल्क स्वास्थ्य शिविर संचालन हुने भएको छ। नेपाली चिकित्सकहरु द्वारा नि:शुल्क स्वास्थ्य परिक्षण गरिने हुँदा उक्त लाभ उठाउन बाल्टिमोर मेरिल्याण्डवासी नेपाली परिवारजनहरूलाई सहभागिताको लागि अनुरोध आयोजकले गरेका छन् ।

साथै अमेरिकामा रहेका तथा अमेरिकामा बिमा नलिएका तथा नभएका समेतले लाभ उठाउन सक्ने छन् । उक्त शिविरमा सर्वसाधारणहरुले पनि नि:शुल्क स्वास्थ परीक्षण अन्तर्गत मधुमेय, रक्तचाप, इकोग्राम (मुटु धड्कन जाँच) आदि गर्न पाउने हुनाले उक्त अवसर नगुमाउन सबैमा आयोजकले बिशेष अनुरोध गरेका छन् ।