ताजा समाचार : फ्लोरिडाको माध्यमिक बिद्यालयका दुई छात्राले आफ्ना साथीलाई हत्या गरेर रगत खाने योजना गर्दा प्रहरी द्वारा पक्राउ

कुरा सुन्दा नै पत्यार लाग्दैन । मानिसको मन बिग्रिए पछि कल्पना नगरेको घटना घट्ने गर्छ । अमेरिकाको फ्लोरिडा राज्यको एक माध्यमिक बिद्यालयमा ठूलो घटना घट्न बाट बालबाल बचेको छ । आफ्नै कक्षाका सहपाठीहरुलाई हत्या गरेर उनीहरुको रगत खाने योजना गर्ने दुई छात्राहरुलाई प्रहरीले पक्राउ गरेको छ ।

हत्या गर्ने योजना सहित हतियार सहित शौचालयमा ढुकेर बस्दै आफ्ना साथीलाई मारेर उनीहरुको रगत पिउने योजनालाई प्रहरीले विफल बनाई दिएको छ । गत मंगलबार अक्टोबर २३ तारिखका दिन फ्लोरिडाको बिद्यालयमा ठुलो रक्तपात हुन् बाट बचेको छ ।

फ्लोरिडाको प्रहरी अधिकारीले जानकारी दिदै मध्य फ्लोरिडाको माध्यमिक बिद्यालयको शौचालयमा कम्तिमा आफु भन्दा साना र उस्तै १५ जना बिधार्थीहरुलाई चक्कुले हत्या गरेर उनीहरुको आलो रगत खाने योजनाको प्रहरीले खुलाशा गरेको छ । उक्त कुरा गत अक्टोबर २४ बुधबार उक्त कुरा प्रहरीले सार्बजनिक गरेका हुन् ।

दि बार्टो मिडल स्कूलका ति बिद्यार्थीहरुलाई गत मंगलबार अक्टोबर २३ तारिखका दिन पक्राउ गरिएको प्रहरीले जनाएको छ । उनीहरुलाई हत्या गर्ने योजनाको आरोप ,विद्यालय हाता भित्र हतियार धारण गरेको र छुट्टै हतियार लिएर आएको समेत आरोप लगाइएको छ ।

साथै विद्यालयको कार्यमा व्यवधान गरेको आरोप प्रहरी प्रमुख जो हलले संवाददाता भेटघाटमा बताएका थिए । ११ र १२ बर्षिय किशोरीहरुले आफू पिशाच अन्धभक्त भएकोले आलो र तातो रगत खाने र आफू पनि हत्या गर्ने योजना रहेको थियो भनि प्रहरी अधिकारीले बताएका थिए ।

यो कुराको खुलाशा जव बिद्यालय बाट अभिभावकलाई कक्षा बाट छोरी हराई रहेको खबर गरे पछि उक्त योजना विफल भएको प्रहरीले जनाएको समाचार सीएनएन ले छापेको छ ।

तस्बिर स्रोत : बार्टो प्रहरी बिभाग

माथि प्रस्तुत गिलासमा रगत खाने र यो हतियारले मर्ने योजना रहेको प्रमाण