अमेरिकाको बजारमा आफ्नो पकड र विस्तार व्यापक फैलाएर निरन्तर संचालन गरि रहेको “सियर्स” ले टाट उल्टेको घोषणा गर्दै दर्ता गराएको छ । अमेरिकाको प्रतिस्प्रद्धात्मक बजारमा कैयौ बर्ष देखि संघर्ष गर्दै आएको शसक्त १ सय ३२ बर्ष पुरानो प्रभावशाली खुद्रा बिक्रेता पसल “सियर्स” टाट उल्टेको घोषणा गर्न बाध्य भएको छ ।

गत अक्टोबर १५ तारिख सोमबारका दिन आफू माथि परेको १ सय ३४ अर्ब डलर ऋण भुक्तानी भुक्तान गर्न असमर्थ भयो । वर्तमान अवस्थामा एमजोन तथा वालमार्ट संग प्रतिस्प्रद्धामा उत्रिन नसके पछि खरानीको तालमा पुगेको दर्ता गराएको छ । गत सोमबार न्यूयोर्कको संघीय अदालतमा गराएको छ ।

खरानीको तालमा पुगेता पनि मुनाफा भै रहेका संचालनमा रहेका सियर्स तथा केमार्ट पसल निरन्तरता रहने बताएको छ । ७ सय पसलहरु खुला रहने र ६८ हजार कर्मचारी कार्यरत छन् ।

यो बर्षको अन्त्यमा १ सय ४२ वटा खुद्रा पसल बन्द गर्ने घोषणा समेत गरेको छ । अर्को महिना भित्र ४६ वटा पसल बन्द गर्ने भएको छ । सियर्सका प्रमुख कार्यकारी अधिकारी (सीईओ )एडी लामपर्ट सीईओ नरहने र अब देखि ३ वटा संस्थाका उच्च कार्यकारीले संचालन गर्ने छन् भनि संस्थाले वक्तब्य जारी गरि उक्त कुरा जनाएको छ ।

बिक्री दिनहु घट्दै जानु ,ऋण माथि ऋण थपिने र सँस्था संग नगद बिलय भएको अवस्था आफ्ना बहुमूल्य सम्पत्तिका धेरै बेचेको छ । बाच्नको लागि यसले आफ्ना विशाल अचल सम्पत्ति बेच बिखन समेत गरेको छ । हरेक महिना १ सय २५ लाख डलर घाटा ब्यापार रहेको जनाएको छ ।

सन् २०१० देखि अहिले सम्म ११.७ अर्ब डलर घाटा लागेको छ भने बिगत १३ बर्ष देखि २८ सय पसलहरु बन्द गरिएको छ । अमेरिका कै सर्बाधिक बृहत तथा सबै भन्दा ज्यादा कर्मचारी भएको संस्थाको रुपमा रहेको थियो ।

सन् १८८६ मा स्थापित सियर्स पहिलो पटक उत्तर रेडवुड ,मिनेसोटा त्यस पछि सिकागोमा सन् १८८७ मा सरेको थियो । सन् २००५ मा सियर्स के मार्ट खुद्रा पसल संग बिलय भएर सियर्स होल्डिंगमा रुपान्तरण भएको थियो । त्यो समयमा ३५ सय वटा खुद्रा पसल अमेरिका भर रहेका थिए भने हाल आएर ९ सय वटा मात्र खुद्रा पसल रहेका छन् ।

गत जुलाईमा आफ्नो गृह नगर सिकागोमा अन्तिम खुद्रा पसलहरु बन्द गरेको थियो भने गत अगस्त महिनामा ४६ वटा पसल बन्द गरेको थियो । गत फेब्रुअरीमा यसका ८९ हजार कर्मचारी रहेका थिए भने सन् २००६ मा यसका ३ लाख १७ हजार कर्मचारी रहेका थिए भनि सीएनएन मा समाचार छ ।