विजय थापा ,डिसी ,अमेरिकाको भ्रमणमा रहेका सत्य/स्वरुप राज आचार्यको पहिलो प्रस्तुति भर्जिनियाको चार्लोट्सभिलमा प्रस्तुति हुने भएको छ । दाजुभाई सत्य तथा स्वरुप आचार्यको प्रस्तुति पछि डिजे र नृत्य पनि हुने आयोजकको तर्फ बाट उज्ज्वल खड्काले ईनेप्लिज लाई जानकारी दिएका छन् ।

युएनएएएनए तथा सीएनए को प्रस्तुति रहेको उक्त सत्य एण्ड स्वरुप लाइभ विथ डिनर नामक कार्यक्रम आगामी अगस्त ११ तारिख शनिबार हुने भएको छ ।

उक्त सांगीतिक सांझ कार्यक्रम भर्जिनियाको चार्लोट्सभिल स्थित टेस्ट अफ इन्डिया चमेना गृहमा हुने छ । सत्य/स्वरुप राज आचार्यको चार्लोट्सभिलमा पहिलो प्रस्तुति हुने छ । प्रवेश शुल्क (टिकट )दर $ २० डलर छ भने कार्यक्रम ७ बजे सुरु हुने छ ।

उक्त क्षेत्रमा बसोबास गर्ने नेपाली समुदायलाई सहभगिता जनाउन आयोजकले आव्हान गरेका छन् । सम्पर्कको लागि उज्ज्वल खड्का ,७०३ ५०५ २१०१ ,दिनेश कार्की ५७१ ८३९ ४४९० तथा सुबाश महर्जन ३२१ ९८४ ६२१३ लाई सम्पर्क गर्न सकिने छ ।