आइतबार, कार्तिक १६ २०७७
काठमाडौं ०४:५१
वासिङटन डिसी 19:06

एकतापछि पोर्टफोलियो मिलाउन माओवादीको विस्तारित बैठक

इनेप्लिज २०७४ चैत ९ गते १४:४२ मा प्रकाशित

काठमाडौं, ९ चैत । नेकपा एमालेसँग एकीकरणपछिको पोर्टफोलियो मिलाउने छलफलका लागि नेकपा माओवादी केन्द्रले विस्तारित बैठकको तयारी गरेको छ ।

आइतबारसम्ममा पार्टी एकीकरणका लागि बनेको कार्यदलले अन्तरिक राजनीतिक प्रतिवेदन बुझाएपछि एकीकरणले गति पाउने भएपछि नेताहरूको पोर्टफोलियोका विषयमा बहस गर्न विस्तारित बैठक डोकेको माओवादी अध्यक्ष पुष्पकमल दाहाल प्रचण्डले बताए ।

शुक्रबार संघीय समाजवादी फोरमबाट माओवादी केन्द्रमा प्रवेश गरेका अजम्बर काङमाङलाई स्वागत गर्दै प्रचण्डले यस्तो जानकारी दिएका हुन् ।

प्रचण्डले एमालेसँग पार्टी एकता हुँदा सबै नेतालाई उचित ढंगले संगठनमा राखिने बताए । ‘त्यसका लागि विस्तारित वैठक डाकिएको हो’, उनले भने,‘तपाईहरुलाई उचित ढंगले संगठनात्मक सेटमा राख्न सकिन्छ ।’

एमाले–माओवादी केन्द्र गठबन्धनले राजनीतिक र सािंगठनिक विषय हल गर्न दुई कार्यदल बनाएको थियो ।

प्रतिक्रिया