आइतबार, कार्तिक १६ २०७७
काठमाडौं ०३:३४
वासिङटन डिसी 17:49

प्रदेश–३ को सभामुखमा एमालेका सानुकुमार श्रेष्ठ निर्विरोध निर्वाचित

इनेप्लिज २०७४ माघ २७ गते १२:४७ मा प्रकाशित

हेटौंडा, माघ २७ । प्रदेश नम्बर–३ को प्रदेश सभामुखमा नेकपा एमालेका सानुकुमार श्रेष्ठ शनिबार निर्विरोध चयन भएका छन् ।

निर्वाचन प्रक्रियामा श्रेष्ठकोमात्र उम्मेदवारी परेपछि उनी निर्विरोध निर्वाचित भएका हुन् ।

मनोनयनका लागि दिइएको समयभित्र उनकोमात्र उम्मेदवारी परेको ३ नम्बर प्रदेशसभा सचिवालयका सचिव डा. रोजनाथ पाण्डेले जानकारी दिए ।

श्रेष्ठको प्रस्तावक नेकपा माओवादी केन्द्रका सालिकराम जमरकट्टेल र समर्थक नेकपा एमालेका रामेश्वर फुँयाल रहेका थिए ।

निर्विरोध निर्वाचित सभामुख श्रेष्ठ काठमाडौं महानगरपालिका–३२ कोटेश्वर निवासी हुन् । रासस

प्रतिक्रिया