बिहीबार, असोज ७ २०७८
काठमाडौं १६:१७
वासिङटन डिसी 06:32

सबारी दुर्घटनामा दुई भारतीयको मृत्यु

इनेप्लिज २०७४ मंसिर १७ गते १२:०५ मा प्रकाशित

रौतहटमा छुटाछुटै भएको दुई सबारी दुर्घटनामा दुई भारतीयको मृत्यु भएको छ । चुनाव प्रचारको क्रममा मधेसी गठबन्धनको प्रचारको गाडी चलाइरहेका बीआर ०१ पीबी ३९३३ नम्बरको बोलेरो गए शनिवार राति बौद्धिमाई नगरपालिका ८ स्थित अणुवा खोलामा पुलबाट ३२ मिटर तल खस्दा चालक भारत मोतिहारीको बिजबनी गाउँका ४० वर्षीया गोपाल राय यादवको मृत्यु भएको छ भने गाडीमा सबार राजपुर नगरपालकाका तारकेश्वर साह, राम गोविन्द साह, राजेन्द्र साह, जगरनाथ साह, नगेश साह र गिरधारी साह घाइते भएका छन् । घाइते सबैको वीरगंजमा उपचार भइरहेको रौतहट प्रहरीले जनाएको छ । चालक यादवले मदिरा सेवन गरेको प्रहरीको भनाइ छ ।

यसै गरी आइतबार बिहान सदरमुकाम गौर १ मा बा १७ च ८१४३ नम्बरको सफारी जीपको ठक्करले भारत सितामढीको सिन्दुरियाका ४० वर्षीय मजिद मन्सुरीको घटनास्थलमै मृत्यु भएको छ । गाडी ब्याक गर्ने क्रममा ठक्कर लागेपछि मजिदको मृत्यु भएको हो । मजिदले मदिरा सेवन गरेको र ठक्कर दिने गाडी सहित चालक भारत मोतिहारी ढाकाका सुरेश जयसवाललाई प्रहरीले नियन्त्रणमा लिएको ट्राफिक प्रहरी कार्यालय गौरका नायब निरीक्षक जगदीश सिंहले जानकारी गराएका छन् ।

सञ्जय मित्र, रौतहट

प्रतिक्रिया