आयोवा, अमेरिका, नोभेम्बर २६, २०१७ – सफल ब्याबसायी कम्प्युटर ईन्जिनियर राधेश पण्डित र सीला पण्डितको प्रयास र आयोजनामा अमेरिकाको आयोवा राज्यमा बसोबास बर्ने नेपाली समुदाय बिच साईबर अपराध र नियन्त्रण सम्बन्धी १ दिने प्रशिक्षण सम्पन्न भएको छ ।

२५ बर्ष अगाडी अमेरिका आउनु भएका राधेश पण्डितले कम्प्युटर बिषयमै आफ्नो अध्ययन पुरा गरि करिब ५ बर्ष सम्म आईबिएम संस्थामा कार्यरत हुनु हुन्थ्यो । जागिरको अलावा पनि थप केहि गर्न सकिन्छ भन्ने उदेश्यका साथ अगाडी बढनु भएका पण्डितले आफुलाई सफल ब्याबसायीको रुपमा स्थापित गरिसक्नु भएको छ । स्कुल अबस्था देखिनै समाजिक कार्यमा संलग्न पण्डितले अमेरिकामा रहेर पनि सामाजिक सेवालाई निरन्तरता दिई राख्नु भएको छ ।

साईबर सेक्युरिटी ईन्टरन्यासनलद्वारा नेपाल, अमेरिका, क्यानडामा संञ्चालन गरिरहेको कार्यक्रमबाट प्रभाबित भएर अमेरिकाको क्वाड सिटी आयोवा राज्यमा बसोबास गर्ने नेपाली समुदाय बिच पनि यो कार्यक्रम उपयोगी हुने उदेश्यका साथ राधेश पण्डित र सीला पण्डितको आयोजनामा आफ्नै निवासमा उक्त कार्यक्रमको आयोजना गरिएको थियो । कार्यक्रममा नेपाली समुदायका बिभिन्न ब्यक्तित्व, परिवारका सदस्यहरुको पनि उपस्थिती रहेको थियो जसमा आफ्ना छोरा छोरीहरुलाई पनि सहभागि गराईएको थियो । करिब ३ घण्टा सम्म चलेको साईबर अपराध र सुरक्षाको प्रशिक्षणमा करिब ४० जना सहभागिहरु रहेका थिए ।

अहिलेको बढदो साईबर अपराधबाट आँफु, परिबार, समुदाय र राष्ट्रलाई सुरक्षित कसरि राख्ने र नयाँ नयाँ टेक्नोलोजीहरुलाई सुरक्षित तरिकाले कसरि प्रयोग गर्ने भन्ने बिषयमा साईबर सेक्युरिटी ईन्टरन्यासनलका संस्थापक डा. रामहरि सुबेदीद्वारा सहभागीहरुलाई प्रयोगात्मक प्रशिक्षण दिईएको थियो । अन्तमा सभागिहरुले कार्यक्रमको बारेमा भिडियो मार्फत आफ्नो बिचारहरु ब्यक्त गर्नु भएको थियो, जसलाई यसै समाचारको साथमा प्रकासित गरिएको छ ।

प्रस्तुत गरिएको कार्यक्रमलाई नेपालमा आफुले अध्ययन गरेको स्कुल कलेजमा लैजानको लागि निम्न सहभागिहरुद्वारा आर्थिक सहयोग प्रदान गर्नु भएको थियो ।

सहयोगदाताहरु
———————-
१. राधेश पण्डित – ५०० डलर – बिरेन्द्र क्याम्पस भरतपुर, चितवन
२. सीला पण्डित – १०० डलर – नर्सिङ क्याम्पस माहारजगञ्ज, काठमाण्डौ
३. सरिता पण्डित अधिकारी – २०० डलर – श्री शक्ति हाईस्कुल, लमजुङ्ग, कुन्छा र श्री संस्कृत सदन अर्चल्यानी दुराडाँडा
४. तारा ढकाल मरहठ्ठा / सुधिर मरहठ्ठा – २०० डलर -प्रेमबस्ती माबि र बालकुमारी कन्या स्कुल, नारायणगढ, चितवन
५. पबित्रा कंडेल बस्नेत – २०० डलर – जनता माबि बिद्यालय, गुल्मी
६. लाक्पा शेर्पा – १०० डलर – सोलुखुम्बु

सन २०१५ देखि साईबर सेक्युरिटी ईन्टरन्यासनलले साईबर अपराध र सुरक्षा सम्बन्धी नेपालका २०० भन्दा बढि प्रशिक्षणहरु संञ्चालन गरि सकेको छ भने उक्त कार्यक्रमबाट करिब २५,००० (पच्चिस हजार) भन्दा बढि सहभागिहरु लाभान्वित भैसकेका छन । नेपालमा मात्र नभै क्यानडा र अमेरिकाको बिभिन्न राज्यहरुमा पनि यो कार्यक्रम संञ्चालन गरिएको छ ।

यस संस्थाका संस्थापक हाल अमेरिकाको भर्जिनिया निबासी प्रोफेसर डा. रामहरि हुनुहुन्छ । डा. सुबेदीले अबिकसित देशमा साईबर अपराध र सुरक्षाको बिषयमा अमेरिकाको बिश्वबिद्यालयबाट बिद्याबारिधी प्राप्त गर्नु भएको हो । डा. सुबेदी प्रबासमा बस्ने लोकप्रिय अनलाईन पत्रिका डिसीनेपाल डटकमको संस्थापक हुन हुनु हुन्छ । नेपाल प्रहरी केन्द्रिय अनुसन्धान ब्युरोले डा. सुबेदीलाई साईबर सुरक्षा सल्लाहकारको रुपमा नियुक्ती पनि गरेको छ । अमेरिकाको भर्जिनिया राज्यमा मुख्यालय रहेको यस संस्थाको नेपालमा काठमाण्डौं, चितवन, तनहुँ र झापा जिल्लामा उपसाखाहरु पनि रहेका छन ।