शुक्रबार, कार्तिक १४ २०७७
काठमाडौं २२:३५
वासिङटन डिसी 12:50

गौरी जोशी प्रचार अभियान तिब्र

इनेप्लिज २०७४ साउन १५ गते १२:४४ मा प्रकाशित

अमेरिकाको पूर्वी क्षेत्रको चुनावी प्रचारमा आफ्नो टिमको उम्मेदवार सहित निस्किएका एनआरएन अमेरिकाको आसन्न निर्वाचनमा अध्यक्षका सशक्त दावेदार गौरी जोशी प्रचार अभियानको क्रम मा शुक्रवार न्यू हाम्सायर र शनिवार बोष्टन आइ पुगेका छन् ,टेक्सासका व्यवसायी जोशीको नेतृत्वमा चुनावी मैदानमा उत्रिएका अन्य पदका उम्मेदवारहरु पनि यो अभियानमा सहभागी भएका छन् |

जोशीको उम्मेदवारीको बारे विभिन्न चर्चा चलिरहेका बेला निर्वाचन आयोगले अन्तिम नामावली प्रकाशन गर्नुपूर्व नै अध्यक्षका प्रवल दावेदारको रुपमा अगाडी देखिएका जोशी यसरी प्रचारमा निस्किएका हुन् | यो प्रचारका क्रममा जोशीले आफ्नो नेतृत्वको भिजन र उम्मेदवारीका बारे सदस्यहरुलाई अवगत गराउदै सदस्य तथा शुभेच्छुकहरुसंग अन्तरक्रिया समेत सम्पन्न गरेका छन् |

बोस्टनमा भएको कार्यक्रम मा बोल्दै जोशीले भने केही व्यक्ति विशेषले मेरो उम्मेदवारी रोक्न लागिपरेको अवगत नै छ | एनआरएन सबैको हो | यो साझा र सामुहिक भावनाले काम गर्ने,सबैले आफ्नो महसुस गर्न पाउनुपर्ने संस्था हो,त्यसकै लागि म लागेको छु र एनआरएनलाई मेरो हो भन्ने सबैले अपनत्व महसुस गर्न पाउनुपर्छ भन्ने मेरो अडान हो | त्यसैले हाम्रो र राम्रो एनआरएन,सामुहिक भावना सहितको साझा,एकताबद्ध र बलियो एनआरएन बनाउने अभियानका लागि म तपाईंहरुको शहरमा आएको हु | यो अभियानमा साथ दिनु हुन म एनआरएनका सम्पूर्ण सदस्यहरुलाई अनुरोध गर्दछु |

बोष्टनमा भएको कार्यक्रमको संयोजन गरिरहनु भएकी जोशी समूहका तर्फबाट एनआरएन अमेरिकाको बोर्ड अफ डाइरेक्टर पदकी उम्मेदवार तृष्णा शर्माले पनि गौरी जोशी र समुहका अन्य उम्मेदवारसंगको अन्तरक्रिया कार्यक्रममा सहभागिताका लागि सबैलाईधन्यवाद ज्ञापन गर्नु भयो, बोस्टनमा भएको एनआरएन अमेरिकाका अध्यक्षका प्रवल दाबेदार गौरी जोशीसंगको भेटघाट र छलफलका पछि आफुहरु उत्साहित रहेको बताउदै आफुहरु पूर्ण रुपमा जोशीजीलाई सहयोग गर्न तयार रहेकुरा समाजसेवी ध्रुब घिमिरे , माया कडायत , बिजय शर्मा लगाएत ले बताउनु भयो l

जोशीसंगै रहेका नेपाली जनसम्पर्क समिति,अमेरिकाका केन्द्रीय सदस्य सुन्दर गुरुङले जोशीको उम्मेदवारीको अन्यौल निर्वाचन प्रमूखको इमेलले अन्त्य गरिसकेको भन्दै अब जोशीलाई बाहिर राखेर एनआरएन अमेरिकाको चुनाव समेत हुन नसक्ने जिकिर गरे |

उक्त अबसरमा जिबिएन्सि का अधछ्या बिष्णु मणि आचार्य , एन आर एन का बिष्णु कार्की , एनडब्लुजीन कि रुकमिनी कार्की , राम थापा का साथै उम्मेद्वारहरु गौरी जोशी ,सन्जिब श्रेष्ठ , संजय थापा ,थल राज पन्त ,प्रिती सगर खत्री ,तृष्णा शर्मा ,खिम भट्ट लगाएतको उपस्थिति रहेको थियो l

प्रतिक्रिया