बुधबार, असोज ६ २०७८
काठमाडौं २०:२९
वासिङटन डिसी 10:44

पार्टीको आधिकारिक निर्णय सबैले मान्नुपर्छ : अध्यक्ष थापा

इनेप्लिज २०७४ असार ३० गते ११:२१ मा प्रकाशित

काठमाडौँ, ३० असार । राष्ट्रिय प्रजातन्त्र पार्टीका अध्यक्ष कमल थापाले संविधान संशोधन र सरकारमा सहभागिताका विषयमा आफ्नो दलभित्र विवाद देखिए पनि पार्टीको आधिकारिक निर्णय सबैले मान्नुपर्ने बताउनुभएको छ ।

काठमाडौँ उपत्यकाका अगुवा कार्यकर्ता भेलालाई यहाँ आज सम्बोधन गर्दै उहाँले संविधान संशोधनको प्रस्तावमा पार्टीले यसअघि गरेको निर्णयलाई संस्थागतरुपमा कार्यान्वयन गर्नुपर्ने र सरकारमा सहभागिताको विषयमा उचित समयमा निर्णय गरिने बताउनुभयो ।

अध्यक्ष थापाले स्थानीय तहको चुनावमा पार्टीले अपेक्षाकृतरुपमा सफलता प्राप्त गर्न नसक्नुका कारणमा विभिन्न शक्तिबाट पार्टीको वैचारिक नीतिमा भ्रम छर्ने कार्य भएकामा चिन्ता व्यक्त गर्नुभयो ।

पार्टीका महामन्त्री राजेन्द्र लिङ्देनले पार्टीभित्र अवसरवादीको सक्रियता बढेकाले अहिले आन्तरिक एकतामा केही चुनौती देखिएको बताउँदै यसतर्फ सबैले चनाखो भई अगाडि बढ्नुपर्ने बताउनुभयो ।

पार्टीका अर्का नेता राजाराम श्रेष्ठले राप्रपाले स्थानीय तहमा पार्टीको आदर्शलाई पु¥याउन नसकेकाले चुनावमा राम्रो परिणाम आउन नसकेको बताउँदै अब स्थानीय जनताको सेवालाई केन्द्रमा राखेर कार्य गर्नुपर्नेमा जोड दिनुभयो ।

प्रतिक्रिया