सोमबार, कार्तिक १० २०७७
काठमाडौं १०:११
वासिङटन डिसी 00:26

अमेरिकाले नेपाली शरणार्थीलाई अब शरण नदिने

इनेप्लिज २०७४ असार १४ गते ६:१५ मा प्रकाशित

काठमाडौं, १४ असार । अमेरिकाको एक पुनरावेदन अदालतले नेपालीहरूलाई राजनीतिक शरण दिन नसकिने फैसला गरेको छ ।

अमेरिकी पुनरावेदन अदालत ‘युनाइटेड स्टेटस् कोर्ट अफ अपिल्स फर द सेकेण्ड सर्किट’ले नेपालको राजनीतिक परिदृश्य सकारात्मक बन्दै गरेको भन्दै आवेदकले उल्लेख गरे जस्तो भयावह स्थिति नरहेको स्पष्ट पारेको हो ।

विशेषत, राजनीतिक शरण (असाइलम) सम्बन्धी मुद्वाको अन्तिम छिनोफानो पुनरावेदन अदालतले गर्ने गर्दछ । जुन फैसला, नजिरको रुपमा स्थापित हुन्छ ।

एक नेपाली नागरिकको मुद्दामा अमेरिकी पुनरावेदनको सो निर्णयलाई सार्वजनिक गरिएको छ । जसले नेपाली नागरिक सम्बन्धित आगामी असाइलम मुद्दामा नजिरको काम गर्नसक्ने बताइएको छ ।

यसले अमेरिकामा असाइलम सम्बन्धी नेपाली आवेदकहरू प्रभावित हुनेसक्ने भन्दै अमेरिकामा रहेका नेपालीहरू डराएका छन् ।

आवेदकले आफू नेपाली कांग्रेसको सक्रिय सदस्य रहेको र माओवादी विद्रोहीबाट ज्यानको खतरा रहेकाले भागेर अमेरिका पुगेको भन्दै अमेरिकामा शरण पाउन माग गरिएको थियो ।

अवैधानिक रुपमा अमेरिका प्रवेश गरेका नेपालीहरू त्यहाँ बसोबास गर्नका लागि शरणार्थीको माग गर्दै आएका छन् । अदालतको यो फैसलाले अब अबैधानिक नेपालीहरूलाई मुस्किल खडा गरिदिएको छ ।

प्रतिक्रिया