सोमबार, कार्तिक १० २०७७
काठमाडौं ०७:०७
वासिङटन डिसी 21:22

२ सय ६९ स्थानको नतिजा आयो

इनेप्लिज २०७४ जेठ ७ गते १६:३५ मा प्रकाशित

काठमाडौं, जेठ ७– पहिलो चरणमा भएको २ सय ८१ स्थानीय तहको निर्वाचनको परिणाम अन्तिम अवस्थामा आइपुगेको छ ।

अहिलेसम्म २ सय ६९ स्थानको नतिजा सार्वजनिक भएको छ । प्राप्त नतिजाअनुसार नेकपा एमाले पहिलो, नेपाली काँग्रेस दोस्रो र नेकपा माओवादी केन्द्र तेस्रो स्थानमा रहेका छन् ।

अब चार महानगर, एक उपमहानगरपालिकासहित १२ स्थानीय तहको नतिजा आउन मात्रै बाँकी छ ।

वैशाख ३१ गते स्थागित भएका दोलखाको मेलुङमा आइतबार मतदान भई गणना शुरु गरिएको छ भने कालीकोटको एक ठाउँमा अझै मतदान भएको छैन ।

पछिल्लो परिणामअनुसार एमालेले १ सय १५ स्थानीय तहको प्रमुखसहित जित हासिल गरेको छ भने गणना जारी रहेको ६ स्थानमा अग्रता लिएको छ ।

यस्तै, नेपाली काँग्रेसले १ सय १ स्थानमा जित हासिल गर्नुका साथै ६ स्थानमा अग्रता लिइरहेको छ ।

नेकपा माओवादी केन्द्रले ४६ स्थानमा जित हासिल गरी रोकिएको छ । गणना भइरहेका ठाउँमा माओवादी केन्द्रले अग्रता लिन सकेको छैन ।

भरतपुर महानगरपालिकामा भने कडा प्रतिष्पर्धा रहेको छ । एमालेका देवी ज्ञवाली र माओवादी केन्द्रकी रेणु दाहालको मतान्तार थोरै मात्र फरक छ ।

प्रतिक्रिया