शुक्रबार, असार ११ २०७८
काठमाडौं ०९:५७
वासिङटन डिसी 00:12

भुकम्प पिडितलाई मिचिगनवासीको सहयोग

इनेप्लिज २०७३ माघ ९ गते २३:२४ मा प्रकाशित

भुकम्प पिडित परिवारको वासस्थानको लागि गोर्खाको लाप्राकमा निर्माणाधिन आवास परियोजनाका लागि गैर आवासीय नेपाली संघ राष्ट्रिय समन्वय परिषद् अमेरिका, मिचिगन च्याप्टरले आर्थिक सहयोग गरेको छ ।

च्याप्टरले मिचिगनमा रहेका नेपाली तथा अन्य सहयोगीवाट संकलन गरेको ४ हजार ३ सय अमेरिकी डलर अर्थात झण्डै चार लाख ३५ हजार रकम सहयोग गरेको हो । च्याप्टरले गैर आवासीय नेपाली संघ अन्तराष्ट्रिय समन्वय परिषद् मार्फत सहयोग गरेको हो ।

गैर आवासीय नेपाली संघ राष्ट्रिय समन्वय परिषद् अमेरिकाको टेक्ससको डलासमा भएको साधारण सभाको अवसरमा मिचिगन च्याप्टर अध्यक्ष जगनलाल श्रेष्ठ विपिनले संकलित रकम एनआरएनए अमेरिकाका अध्यक्ष डा. केशव पौडेल मार्फत एनआरएनए आइसिसीका उपाध्यक्ष कुमार पन्तलाई हस्तान्तरण गरेका थिए ।

यसअघि पनि मिचिगन च्याप्टरले भुकम्प पिडित परिवारका लागि ७ हजार ३ सय ५६ अमेरिकी डलर सहयोग गरेको थियो ।

प्रतिक्रिया