मंगलबार, असार ८ २०७८
काठमाडौं ११:१०
वासिङटन डिसी 01:25

सहिदबाट भएको बलिदानी त्यत्तिकै खेर जाँदैन : वैद्य

इनेप्लिज २०७३ पुष २९ गते ११:३८ मा प्रकाशित

…sfnhoL of]4fx?Ú k’:ts ljdf]lrt
g]skf qmflGtsf/L dfcf]jfbLsf cWoIf df]xg j}w ls/0f sf7df08f}Fdf z’qmaf/ cfof]lht …sfnhoL of]4fx?Ú k’:ts ljdf]rg sfo{qmddf egfO{ /fVb} . tl:a/ M o’j/fh kf08], /f;;

काठमाडौँ, २९ पुस । नेकपा (क्रान्तिकारी माओवादी)का अध्यक्ष मोहन वैद्यले सशस्त्र द्वन्द्वका क्रममा सहिदबाट भएको बलिदानी त्यत्तिकै खेर नजाने बताउनुभएको छ ।

सहिद रचना प्रकाशन केन्द्रले आज आयोजना गरेको ‘कालजयी योद्धाहरु’ पुस्तक सार्वजनिकीकरण कार्यक्रममा उहाँले भन्नुभयो – “जनयुद्ध आफैँमा किताब हो । जनयुद्धले पैदा गरेका विषय सौन्दर्यशास्त्रका लागि पनि अध्ययनको विषय बन्यो ।”

चन्द नेतृत्वको नेकपा माओवादीका प्रवक्ता खड्गबहादुर विश्वकर्माले क्रान्तिको पूर्णता बिना सहिदको सपना पूरा हुन नसक्ने बताउनुभयो ।

माओवादी केन्द्रका नेता लोकेन्द्र विष्टले सहिद कुनै गुट वा उपगुटको नहुने उल्लेख गर्दै माओवादी आन्दोलनलाई एकीकृत गर्नुपर्नेमा जोड दिनुभयो ।

एकै परिवारबाट पाँचजना सहिद भएको बलिदानीलाई समेटेर ‘कालजयी योद्धाहरु’ पुस्तक तयार पारिएको हो । सो पुस्तकमाथि टिप्पणी गर्दै साहित्यकार अमर गिरीले परिवर्तनपछि सहिदको अवमूल्यन हुँदैआएको दुखेसो पोख्नुभयो ।

सो पुस्तक सहिदद्वय कमल भुजेल र सुमित्रा घिमिरेकी एकमात्र छोरी अस्मिता भुजेलले विमोचन गर्नुभएको थियो । एउटै परिवारका तीर्थ भुजेल, माधव घिमिरे, नारायण घिमिरे, सुमित्रा घिमिरे र कमल भुजेलले द्वन्द्वकालमा विभिन्न ठाउँमा सहादत प्राप्त गरेका थिए ।

प्रतिक्रिया