यहि २८ डिसेम्बर २०१६ कादिन युरोपको राजधानी बेल्जियमको ऐतिहासिक नगरि ब्रुग्गे सहरमा संयुक्त किराँत समाज बेल्जियमले नेपालीहरुको चाड ” किराँत उधौली २०१६ ” भब्यरुपमा सम्पन्न गरेकोछ !

उक्त कार्यक्रममा बेनेलक्स र यूरोपियन यूनियनको लागि नेपाली राजदूत महामहिम लोक बहादुर थापाज्यू प्रमुख अतिथि र संस्थाको अध्यक्ष बिमल सुब्बाको अध्यक्षता रहेको थियो ! संस्थाका महासचिब माकुना किराँतले संचालन गरेको उक्त कार्यक्रममा बेल्जियम स्थित बिभिन्न सङ्घसंस्थाका प्रमुखहरु र छिमेकी देश जर्मनी , इंग्ल्याण्ड निबासी अतिथिहरुबाट कार्यक्रमको सफलता र शुभकामना ब्यक्त सहित किराँतीहरुको प्रख्यात सांस्कृतिक नृत्यहरु च्याबरुंग,साकेला , धान नाच र अन्य नेपाली नृत्यहरू समेत प्रदर्शन गरि उपस्थित पाहुनाहरुलाई भरपूर मनोरंजन प्रदान गरिएको थियो !

कार्यक्रममा उपस्थित करिब तीनसय सहभागी पाहुनाहरुलाई नेपाली सेल रोटी र अचार खाजा सहित रात्रि भोजको निशुल्क ब्यबस्था किराँत समाजले गरेको थियो ! साथै उक्त कार्यक्रममा उपस्थित बेल्जिक अतिथिहरुलाई किराँत चाडको बिषय र महत्वको बारेमा संस्थाका संरक्षक एबम पूर्ब अध्यक्ष मुना राईले बेल्जिक भाषामा प्रष्टाउने काम गरि बिदेशमा पनि नेपाली संस्कृतिहरुको चिनारी दिने काम भएको थियो !