सोमबार, असार ७ २०७८
काठमाडौं ०२:४६
वासिङटन डिसी 17:01

सोलिडारिटी कप विजेतालाई सम्मान

इनेप्लिज २०७३ पुष ४ गते १४:५६ मा प्रकाशित

काठमाडौँ, ४ पुस । मलेसियामा सम्पन्न एएफसी सोलिडारिटी कप फुटबल प्रतियोगितामा च्याम्पियन बनेको राष्ट्रिय फुटबल टोलीलाई आज सम्मान गरिएको छ ।

आएएमएस गु्रपद्वारा आज यहाँ राष्ट्रिय फुटबल टोलीका प्रत्येक सदस्यलाई सम्मान गरिएको हो । सो ग्रुपका कार्यकारी प्रमुख दिकेश मलहोत्रा र अखिल नेपाल फुटबल सङ्घ (एन्फा)का मानार्थ अध्यक्ष टासी घलेले सयुक्तरुपमा उहाँहरुलाई सम्मान गर्नुभयो । सम्मानस्वरुप उहाँहरूले सामसुङ मोबाइल ग्यालेक्सी जी फाइब प्राप्त गरे ।

नेपालले सोलिडारिटी कपको फाइनल खेलमा मकाउलाई पराजित गर्दै च्यापियन बनेको थियो ।

कार्यक्रममा एन्फाका मानार्थ अध्यक्ष घलेले यस किसिमको सम्मानले सवै खेलाडीमा आत्मबल बढ्ने भन्दै सवैले खेल र खेलाडीलाई निरन्तर रुपमा सहयोग गर्नुपर्ने बताउनुभयो ।

त्यस्तै नेपाली टोलीका प्रशिक्षक राजुकाजी शाक्यले यस किसिमको सम्मान र पुरस्कारले आफूहरूलाई थप हौसला प्राप्त भएको बताउनुभयो ।

प्रतिक्रिया