वर्ल्ड नेवा:अर्गनाईजेशन जापानले आईतवार टोकियोमा योमरी पुन्ही ,स्वागत तथा बधाई  कार्यक्रम सम्पन्न गरेको छl

संस्थाका सहसंयोजक इंदिरा सुजुकीले पूर्व मंत्री गुरुङ्गज्युलाई स्वागत गर्दै मिस मिस एण्ड मिसेज नेवा: जापानमा बिजयी हुनु भएका  सबैलाई  तथा  भर्खर मात्र सम्पन्न भएको प्रवासी नेपाली मंच जापानको अध्यक्षमा संस्थाका सल्लाहकार महेंद्र श्रेष्ठ  चुनिनुभएकोमा बधाई दिनु भएको थियो l

उक्त कार्यक्रममा बोल्दै प्रमुख अतिथि वक्ता नेकपा एमालेका पोलितब्यूरो सदस्य तथा पूर्व मंत्री किरण गुरुङ्गले मिस एन्ड मिसेज नेवा:जापानमा जितनु भएकी प्रतियोगीहरुलाई बधाई दिंदै स्वागत तथा योमरी  कार्यक्रम गरेकोमा वर्ल्ड नेवा:अर्गनाईजेशन जापानलाई धन्यवाद दिनुका साथै  जापानमा बसेर पनि नेपाली परम्परालाई निरंतरता दिइरहेकोमा आफू अत्यंत हर्षित भएको कुरा बताउनु भएको थियो l

वर्ल्ड नेवा:अर्गनाईजेशन जापानले गत नोवेम्बर नागानोकेनमा सम्पन्न गरेको मिस एन्ड मिसेज नेवा:जापानको कार्यक्रममा सहभागी हुन नसकेकी बिजेताहरू मिसेज संगीता शाक्य र ख़ुशी डंगोल सुवेदीलाई पूर्व मंत्री किरण गुरुङ्गद्वारा  पुरस्कार बितरण गरेको थियो l त्यस्तै संस्थाका सल्लाहाकारहरु  राजन प्रधानाङ्ग ,बलराम श्रेष्ठ तथा महेन्द्र श्रेष्ठले मिस एन्ड मिसेज नेवा: जापानमा बिजयी सुन्दरीहरुलाई तास तथा  प्रमाण पत्र बितरण गरेको थियो l

उक्त दिन स-सानो बाल बालिका सबै मिलेर पारिवारिक वातावरणमा  योमरी बनाएको थियो l ” यो” भनेको मन पर्ने र “मरी” भनेको मिठाई अर्थात “योमरी “भनेको अत्यन्त मन पर्ने मिठाई हो भन्दै संस्थाका सयोंजक सुनिल कुमार शाक्यले कार्यक्रमको संचालन गरेको थियो l

योमरी खाँदै रात्री भोज र डान्स पार्टी गर्दै फेरी अर्को पल्ट भेट गर्ने  बाचा गर्दै कार्यक्रम  समापन गरेको थियो l