आइतबार, असार ६ २०७८
काठमाडौं ०४:२०
वासिङटन डिसी 18:35

कम्युनिष्ट शक्ति गोलबन्द हुनुपर्छ : अध्यक्ष वैद्य

इनेप्लिज २०७३ मंसिर २० गते १२:५८ मा प्रकाशित

spotlight-Mohan-Baidyaदाङ, २० मङ्सिर । नेकपा क्रान्तिकारी माओवादीका अध्यक्ष मोहन वैद्यले सबैको अधिकार नसमेटिएको भन्दै संविधानको औचित्यमाथि प्रश्न उठाउनुभएको छ ।

नेपाल पत्रकार महासङ्घ दाङले आज घोराहीमा आयोजना गरेको पत्रकार भेटघाट कार्यक्रममा अध्यक्ष वैद्यले संविधानप्रति सबै दल र पक्षहरूको असन्तुष्टि रहेको भन्दै यसमा संशोधन गर्नुको कुनै औचित्य नभएको टिप्पणी गर्नुभयो । देशका सीमान्तकृत वर्ग समुदायको अधिकारसँगै मधेसीको मागलाई संविधानमा नसमेटिएकै कारण समस्या बल्झिदै गएको उहाँको भनाइ थियो ।

सरकारले पछिल्लो समयमा संविधान संशोधनका लागि दर्ता गरेको प्रस्ताव बाह्य शक्तिको चलखेलका आधारमा ल्याइएको भन्दै अध्यक्ष वैद्यले संशोधनबारे सरकारमै रहेका पार्टीका नेताहरू विभाजित भएको जिकिर गर्नुभयो ।

प्रतिक्रिया