गत बर्षको विनासकारी भुकम्पबाट पूर्ण रुपमा क्षतिग्रस्त ऐतिहासिक नाला करुणामय सत्तल  निर्माणको सहयोग स्वरुप नाला करुणामय सत्तल निर्माण सहयोग समितिका अध्यक्ष दिल बहादुर श्रेष्ठज्युलाई ने. रु. ३१०,५५५  वर्ल्ड नेवा: अर्गनाइजेशन जापानका  प्रतिनिधि  प्रमिला शाक्यज्युबाट २०१६ जुलाई २० तारेखका दिन नालामा भएको एक  समारोहमा हस्तान्तरण गरियो l

भुकम्पबाट क्षतिग्रस्त सत्तल पुन:निर्माणको  लागि सहयोग गरिदिनु भएकोमा वर्ल्ड नेवा: अर्गनाईजेशन जापानकी  प्रतिनिधि प्रमिला शाक्यज्युलाई  धन्यबाद दिंदै सत्तल निर्माण कार्यको शिलान्यास  शुरु भई सकेको र केहि महिनामा नै निर्माण कार्य पुरा हुने कुराको जानकारी अध्यक्ष दिल बहादुर श्रेष्ठज्युले बताउनु भएको थियो  l

गत वर्षको भूकम्पले ऐतिहासिक  नाला करुणामय मन्दिर प्राङ्गणको उत्तर दिशाको सत्तल  पूर्ण क्षतिग्रस्त भएको हुनाले आदिरत्न शाक्यज्युको संयोजकत्वमा नाला करुणामय सत्तल पुन: निर्माण सहयोग समिति गठन गरेको थियो l

हाम्रो संस्कृतिको सरंक्षण र संबर्धन र आवश्यकता परेको खण्डमा केहि सहयोग गरौं भन्ने भावनाले  प्रेरित भई WNO  जापानमा सक्रिय रुपमा लाग्नु भएकी प्रमिला शाक्यज्युले आफ्ना आमा ,बुबा ,बज्यै र वर्ल्ड नेवा: अर्गनाईजेशन जापानको नाममा उक्त रकम सहयोग गर्नु भएको हो l