मंगलबार, कार्तिक ९ २०७८
काठमाडौं ०१:३५
वासिङटन डिसी 15:50

टेक्सासका विजयराज भट्टराई एएनए को उपाध्यक्ष निर्वाचित –

इनेप्लिज २०७३ वैशाख १८ गते १६:२१ मा प्रकाशित
2
नेपालीहरुको अमेरिकामा रहेको सबैभन्दा जेठो संस्था असोसिएसन ओफ़ नेप्लिज इन अमेरिका (ए.एन.ए.) को उपाध्यक्ष मा ड्यालस टेक्सस का विजयराज भट्टराई निर्बिरोध निर्वाचित हुनु भएको छ।
3
नेपाली समाज टेक्सास को निवर्तमान महासचिव भट्टराई बिगत ११ बर्ष देखि अमेरिका को ड्यालस टेक्सस मा बसोबास गर्दै आउनुभएको । पेशाले कम्प्युटर इन्जिनीयर भट्टराई समाज सेवा को अलावा आई टी प्रोफेसनल का साथै ‘नेपा आईटी’ कम्पनी का निर्देशक पनि हुनुहुन्छ।
Capture
हिजो २९ अप्रिल २०१६ मा वसेको  एएनएको केन्द्रीय बैठक ले नया बिधान अनुसार हालका उपाध्यक्ष डा. शम्भु ढुंगानालाई उपाध्यक्ष बाट बरिस्ठ उपाध्यक्ष मा निर्वाचित गरि रिक्त दुई उपाध्यक्षहरुमा विजयराज भट्टराई तथा खगेन्द्र अधिकारीलाई निर्बिरोध निर्वाचित गरेको हो।
सन १९८३ मा  स्थापना भएको ए.एन. ए. उत्तर अमेरिकामा रहेका नेपालीहरूको सबै भन्दा ठूलो संस्था हो। यसले अमेरिका तथा क्यानाडा दुवै मुलुकमा नेपालीहरुको प्रतिनिधित्व गर्दछ। हाल पाच सय लाइफ मेम्बर रहेको यस संस्था ले नै अमेरिकामा नेपालीहरुको संस्थागत बिकाश को शुरुवात गरेको हो ।
यस संस्थाले हरेक बर्ष जुलाई मा नेपालीहरूको जमघट हुने सबै भन्दा ठूलो सम्मेलनको आयोजना गर्ने गरेको छ।  त्यसैको क्रममा यस पटक अमेरिका को जोर्जिया राज्यको एटलान्टा शहरमा आगामी २०१६ को जुलाई १ देखि ४ सम्म सम्मेलन हुँदै छ ।
यस सम्मेलनमा विगतमा झैँ कल्चरल सो, कन्सर्ट, डी.जे. नाइट, ट्यालेन्ट सो गरिँदैछ । खेलकुदमा फुटबल, भलिबल, टेबल टेनिस र बास्केटबल समावेश गरिएको छ । युवाहरूको प्रमोट गर्ने योजना अनुसार मोडलहरुको लागि मिस्टर युएसए र मिस युएसए गरिदैछ ।
1
यस कार्यक्रममा सहभागी हुन नेपालबाट युबा नेतृत्वहरुलाई निमन्त्रणा गरिएको छ।  जसमा नेपाली कांग्रेसका युवा नेता गगन थापा, प्रदीप पौडेल, एमालेका युवा नेता रविन्द्र अधिकारी तथा संचारकर्मी भुषण दाहाल आउदै हुनुहुन्छ।
ए. एन. ए को सम्मेलन यस अघि २००५ र २०१२ मा गरि दुई पटक  ड्यालसमा भइ सकेको छ। जसमा २००५ को सम्मेलनमा  तत्कालिन नेपाली समाजका अध्यक्ष बैकुण्ठ बिक्रम थापा तथा सचिव गौरी राज जोशी र  २०१२ मा ड्यालसका सफल ब्यापारी पासांग लामा शेर्पाको अगुवाइमा भएको थियो।

प्रतिक्रिया